ನವದೆಹಲಿ: ಫೇಸ್ಬುಕ್ ಭಾರತದಲ್ಲಿನ ಕಾರ್ಯಾಚರಣೆಗಳ ಮಾರ್ಕೆಟಿಂಗ್ ನಿರ್ದೇಶಕರಾಗಿ ಅವಿನಾಶ್ ಪಂತ್ ಅವರನ್ನು ನೇಮಕ ಮಾಡಿರುವುದಾಗಿಶುಕ್ರವಾರ ತಿಳಿಸಿದೆ.
ಫೇಸ್ಬುಕ್ ಇಂಡಿಯಾ ಪಾಲಿಗೆ ಮಾರ್ಕೆಟಿಂಗ್ ಡೈರೆಕ್ಟರ್ ಹುದ್ದೆಯ ಪಾತ್ರ ಹೊಸತಾಗಿದೆ. ಫೇಸ್ಬುಕ್, ಇನ್ಸ್ಟಾಗ್ರಾಂ ಹಾಗೂ ವಾಟ್ಸ್ಆ್ಯಪ್ನ ಬಳಕೆದಾರರನ್ನು (ಗ್ರಾಹಕರನ್ನು) ತಲುಪಬಹುದಾದ ಹೊಣೆಯನ್ನು ಅವಿನಾಶ್ ವಹಿಸಲಾಗಿದ್ದಾರೆ.ಐಐಎಂ–ಅಹಮದಾಬಾದ್ನಲ್ಲಿ ವ್ಯಾಸಂಗ ಮಾಡಿರುವ ಅವರು ನೈಕಿ, ಕೊಕಾ–ಕೋಲಾ, ದಿ ವಾಲ್ಟ್ ಡಿಸ್ನಿ ಕಂಪನಿ ಹಾಗೂ ರೆಡ್ ಬುಲ್ ಬ್ರ್ಯಾಂಡ್ಗಳಲ್ಲಿ 22 ವರ್ಷ ಕಾರ್ಯನಿರ್ವಹಿಸಿದ ಅನುಭವ ಹೊಂದಿದ್ದಾರೆ.
ರೆಡ್ ಬುಲ್ನ ಭಾರತ ವಲಯದ ಮಾರ್ಕೆಟಿಂಗ್ ಡೈರೆಕ್ಟರ್ ಆಗಿದ್ದ ಅವಿನಾಶ್ ಪಂತ್ ಅವರು ದೇಶದಲ್ಲಿ 'ರೆಡ್ ಬುಲ್' ಬ್ರ್ಯಾಂಡ್ ವಿಸ್ತರಿಸುವ ಜವಾಬ್ದಾರಿ ನಿರ್ವಹಿಸಿದ್ದರು. ಫೇಸ್ಬುಕ್ ಉಪಾಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಅಜಿತ್ ಮೋಹನ್ ಅವರಲ್ಲಿ ಕಾರ್ಯಾಚರಣೆ ವರದಿ ಮಾಡಲಿದ್ದಾರೆ.
ಸಾಮಾಜಿಕ ವಾಣಿಜ್ಯ ವೇದಿಕೆ 'ಮೀಶೊ'ದಲ್ಲಿ ಈಗಾಗಲೇ ಫೇಸ್ಬುಕ್ ಹೂಡಿಕೆ ಮಾಡಿದ್ದು, ಗ್ರಾಹಕರನ್ನು ನೇರವಾಗಿ ತಲುಪುವ ಉದ್ದೇಶದೊಂದಿಗೆ ಹೊಸ ಯೋಜನೆಗಳನ್ನು ಕೈಗೊಂಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.