ಸಾಮಾಜಿಕ ಮಾಧ್ಯಮ ಜಾಲತಾಣಗಳಾದ ಫೇಸ್ಬುಕ್ ಮತ್ತು ಅದರ ಸಂದೇಶವಾಹಕ ವ್ಯವಸ್ಥೆ ಎಫ್ಬಿ ಮೆಸೆಂಜರ್ನ ಟ್ವಿಟರ್ ಖಾತೆಗಳು ಹ್ಯಾಕ್ ಆಗಿವೆ.
ಇಮೇಲ್ ಹೇಳಿಕೆಯಲ್ಲಿ ಟ್ವಿಟರ್ ವಕ್ತಾರರು ಈ ಕುರಿತು ಸ್ಪಷ್ಟಪಡಿಸಿದ್ದು, ಈ ಖಾತೆಗಳನ್ನು ಯಾರೋ ಹ್ಯಾಕ್ ಮಾಡಿದ್ದಾರೆ ಎಂದು ತಿಳಿಸಿದ್ದಾರೆ.
"ಇದು ನಮ್ಮ ಗಮನಕ್ಕೆ ಬಂದ ತಕ್ಷಣವೇ ನಾವು ಈ ಖಾತೆಗಳನ್ನು ಲಾಕ್ ಮಾಡಿದ್ದು, ಅವುಗಳ ಮರುಸ್ಥಾಪನೆಗೆ ಫೇಸ್ಬುಕ್ ಜತೆಗೂಡಿ ಕೆಲಸ ಮಾಡುತ್ತಿದ್ದೇವೆ" ಎಂದು ಟ್ವಿಟರ್ ವಕ್ತಾರರು ತಿಳಿಸಿದ್ದಾರೆ.
ಕಳೆದ ಆಗಸ್ಟ್ ತಿಂಗಳಲ್ಲಿ ಟ್ವಿಟರ್ ಇಂಕ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಜ್ಯಾಕ್ ಡೋರ್ಸೇ ಅವರ ಖಾತೆಯನ್ನೇ ಹ್ಯಾಕ್ ಮಾಡಲಾಗಿತ್ತು. ಹ್ಯಾಕ್ ಮಾಡಿದ ವ್ಯಕ್ತಿಯು ಈ ಖಾತೆಯ ಮೂಲಕ ಜನಾಂಗೀಯ ನಿಂದನೆಯುಳ್ಳ ಟ್ವೀಟ್ಗಳನ್ನು ಕಳುಹಿಸಿದ್ದ. ಅವರ ಖಾತೆಗೆ ಸುಮಾರು 40 ಲಕ್ಷ ಫಾಲೋವರ್ಗಳಿದ್ದರು. ಬಳಿಕ ಖಾತೆಯನ್ನು ಮರಳಿ ನಿಯಂತ್ರಣಕ್ಕೆ ತೆಗೆದುಕೊಳ್ಳಲಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.