ಈ ಸುಂದರನ ಸನ್ಯಾಸಿ ಮಾಡಬಹುದೇ.. ಇವರೇ ನೋಡಿ ಆ ಹಾಡು ಹಾಡಿದವರು

ಬೆಂಗಳೂರು: ಇತ್ತೀಚೆಗೆ ಇನ್‌ಸ್ಟಾಗ್ರಾಂನ ರೀಲ್ಸ್, ಯೂಟ್ಯೂಬ್ ಶಾರ್ಟ್ ವಿಡಿಯೊ ಸೇರಿದಂತೆ ಅನೇಕ ಸಾಮಾಜಿಕ ಜಾಲತಾಣಗಳಲ್ಲಿ ‘ಈ ಸುಂದರನ ಸನ್ಯಾಸಿ ಮಾಡಬಹುದೇ’ ಎಂಬ ಹಾಡು ಸಕತ್ ವೈರಲ್ ಆಗುತ್ತಿದೆ.

ಅನೇಕರು ಈ ಹಾಡಿನ ತುಣಕನ್ನು ಇಟ್ಟುಕೊಂಡೇ ಶಾರ್ಟ್ ವಿಡಿಯೊಗಳನ್ನು ರಚಿಸುತ್ತಿದ್ದಾರೆ. ಆದರೆ, ಆ ಹಾಡಿನ ಮೂಲ ಯಾವುದು? ಯಾರು ಹಾಡಿದ್ದು? ಪೂರ್ಣ ಹಾಡು ಎಲ್ಲಿದೆ? ಎಂಬುದು ಬಹುತೇಕರಿಗೆ ಗೊತ್ತಿಲ್ಲ.

ಈ ಹಾಡನ್ನು ಖ್ಯಾತ ಜಾನಪದ ಗಾಯಕ ಮಳವಳ್ಳಿ ಮಹದೇವಸ್ವಾಮಿ ಹಾಡಿದ್ದಾರೆ. ಇವರು ಮಂಡ್ಯ ಮೂಲದವರು.

ಝೇಂಕಾರ್ ಮ್ಯೂಸಿಕ್‌ಗಾಗಿ ಅವರು ‘ಅರ್ಜುನನ ಜೋಗಿ ಪದಗಳು’ ಎಂಬ ಆಲ್ಬಂಗೆ ಈ ಜಾನಪದ ಗೀತೆಗಳನ್ನು ಹಾಡಿದ್ದಾರೆ. ಅದರಲ್ಲಿನ ಮೂರನೇ ಭಾಗದಲ್ಲಿ ‘ಅನ್ಯಾಯಕಾರಿ ಬ್ರಹ್ಮ.. ಈ ಸುಂದರನ ಸನ್ಯಾಸಿ ಮಾಡಬಹುದೇ’ ಎಂಬ ಹಾಡು ಇದೀಗ ವೈರಲ್ ಆಗಿದೆ.

ಮಹದೇವಸ್ವಾಮಿ ಅವರು ಅನೇಕ ಜಾನಪದ ಗೀತೆಗಳನ್ನು ಹಾಡಿದ್ದಾರೆ. ಅದರಲ್ಲಿ ‘ಮಹದೇಶ್ವರ ದಯ ಬಾರದೇ’ ಗೀತೆ ಹೆಚ್ಚು ಪ್ರಸಿದ್ದಿ ತಂದು ಕೊಟ್ಟಿದೆ.

ಮಳವಳ್ಳಿ ಮಹದೇವಸ್ವಾಮಿ ಅವರ ಸಂದರ್ಶನ ನೋಡಲು ಇಲ್ಲಿ ಕ್ಲಿಕ್ಕಿಸಿ