Redmi Note 10: ಶಿಯೋಮಿ ರೆಡ್ಮಿ ನೋಟ್ 10 ಸಿರೀಸ್ ಬಿಡುಗಡೆ

ಶಿಯೋಮಿ ನೂತನ ನೋಟ್ ಸರಣಿಯಲ್ಲಿ ಮೂರು ಸ್ಮಾರ್ಟ್‌ಫೋನ್ ದೇಶದ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಶಿಯೋಮಿ ರೆಡ್ಮಿ ನೋಟ್ 10, 10 ಪ್ರೊ ಮತ್ತು 10 ಪ್ರೊ ಮ್ಯಾಕ್ಸ್ ಮಾದರಿಗಳು ಮೂರು ವಿವಿಧ ಸ್ಟೋರೇಜ್ ಆವೃತ್ತಿಯಲ್ಲಿ ದೊರೆಯಲಿದೆ.

ಶಿಯೋಮಿ ನೋಟ್ 10 ಆರಂಭಿಕ ಬಜೆಟ್‌ನ ಸ್ಮಾರ್ಟ್‌ಫೋನ್ ಆಗಿದ್ದು, 10 ಪ್ರೊ ಮತ್ತು 10 ಪ್ರೊ ಮ್ಯಾಕ್ಸ್ ಪ್ರೀಮಿಯಂ ಫೀಚರ್ ಮತ್ತು ವಿನ್ಯಾಸ ಹೊಂದಿವೆ. ಅಲ್ಲದೆ, ಡಿಸ್‌ಪ್ಲೇ, ಪ್ರೊಸೆಸರ್ ಮತ್ತು ಬ್ಯಾಟರಿ ವಿಚಾರದಲ್ಲೂ ಆಕರ್ಷಕ ಆಯ್ಕೆಗಳನ್ನು ಹೊಂದಿದೆ.

ಬೆಲೆ ಮತ್ತು ಲಭ್ಯತೆ

ಹೊಸ ರೆಡ್ಮಿ ನೋಟ್ 10 ಪ್ರೊ ಮ್ಯಾಕ್ಸ್ 6GB + 64GB, 6GB RAM +128GB ಸ್ಟೋರೇಜ್ ಮತ್ತು 8GB + 128GB ಸ್ಟೋರೇಜ್ ಸಹಿತ ಲಭ್ಯವಿದ್ದು, ಬೆಲೆ ಕ್ರಮವಾಗಿ ₹18, 999, ₹ 19,999 ಮತ್ತು ₹ 21, 999 ದರ ಹೊಂದಿದೆ. ಮಾರ್ಚ್ 18ರಿಂದ ಲಭ್ಯವಿದೆ.

ರೆಡ್ಮಿ ನೋಟ್ 10 ಪ್ರೊ ಫೋನ್, 6GB + 64GB, 6GB RAM +128GB ಸ್ಟೋರೇಜ್ ಮತ್ತು 8GB + 128GB ಸ್ಟೋರೇಜ್ ಹೊಂದಿದ್ದು, ಬೆಲೆ ಕ್ರಮವಾಗಿ ₹ 15, 999, ₹16,999 ಮತ್ತು ₹ 18, 999 ದರ ಹೊಂದಿದೆ. ಮಾರ್ಚ್ 17ರಿಂದ ದೊರೆಯಲಿದೆ.

ರೆಡ್ಮಿ ನೋಟ್ 1o ಸ್ಮಾರ್ಟ್‌ಫೋನ್, 4GB RAM + 64GB ಸ್ಟೋರೇಜ್ ಮತ್ತು 6GB RAM + 128GB ಸ್ಟೋರೇಜ್ ಹೊಂದಿದ್ದು, ₹11,999 ಮತ್ತು ₹ 13,999 ದರ ಹೊಂದಿದೆ. ಮಾರ್ಚ್ 16ರಿಂದ ಲಭ್ಯವಾಗಲಿದೆ. ಎಂಐ.ಕಾಂ, ಅಮೆಜಾನ್.ಇನ್, ಎಂಐ ಹೋಮ್ ಮತ್ತು ಎಂಐ ಸ್ಟುಡಿಯೋ ಮೂಲ ಹೊಸ ಶಿಯೋಮಿ ನೋಟ್ ಸರಣಿ ಸ್ಮಾರ್ಟ್‌ಫೋನ್ ದೊರೆಯಲಿದೆ.