ಉಪ ಸಚಿವರ ನೇಮಕ: ಮಹಿಳೆಯರಿಲ್ಲದ ತಾಲಿಬಾನ್‌ ಸರ್ಕಾರ

ಕಾಬೂಲ್‌: ಅಫ್ಗಾನಿಸ್ತಾನದಲ್ಲಿನ ತಾಲಿಬಾನ್‌ ಸರ್ಕಾರ ಮಂಗಳವಾರ ಉಪ ಸಚಿವರುಗಳ ಹೆಸರು ಪ್ರಕಟಿಸಿದೆ. ಆದರೆ ಇದರಲ್ಲೂ ಮಹಿಳೆಯರ ಹೆಸರು ಇಲ್ಲ.

ಈ ತಿಂಗಳ ಆರಂಭದಲ್ಲಿ ಸರ್ಕಾರವು ಪುರುಷರನ್ನು ಮಾತ್ರ ಒಳಗೊಂಡ ಸಚಿವ ಸಂಪುಟ ರಚಿಸಿದಾಗ ಮಹಿಳೆಯರಿಗೂ ಸ್ಥಾನ ನೀಡಬೇಕು ಎಂಬ ಕೂಗು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಕೇಳಿ ಬಂದಿತ್ತು.

ಕಾಬೂಲ್‌ನಲ್ಲಿ ನಡೆಯಲಿರುವ ಹೊಸ ಸಮಾವೇಶದಲ್ಲಿ ಸರ್ಕಾರದ ವಕ್ತಾರ ಜಬೀಹುಲ್ಲಾ ಮುಜಾಹಿದ್‌ ಅವರು ಮೂವರ ಹೆಸರಿನ ಪಟ್ಟಿ ಮಂಡಿಸಲಿದ್ದಾರೆ.