ಜಿಎಸ್‌ಟಿ: ಎಂಆರ್‌ಪಿ ಕಾಲಮಿತಿ ವಿಸ್ತರಣೆ

ನವದೆಹಲಿ: ಜಿಎಸ್‌ಟಿ ತೆರಿಗೆ ದರ ಕಡಿತದ ಹೊಸ ದರಗಳನ್ನು ಪ್ಯಾಕೇಜ್ಡ್‌ ಉತ್ಪನ್ನಗಳ ಮೇಲೆ ಪ್ರದರ್ಶಿಸಲು ಡಿಸೆಂಬರ್‌ ಅಂತ್ಯದವರೆಗೆ ಕಾಲಾವಧಿ ವಿಸ್ತರಿಸಲಾಗಿದೆ.

ಹಲವಾರು ಸರಕುಗಳ ಬೆಲೆಗಳು ತಗ್ಗಿರುವುದರಿಂದ ಪರಿಷ್ಕೃತ ಗರಿಷ್ಠ ಮಾರಾಟ ಬೆಲೆ (ಎಂಆರ್‌ಪಿ) ವಿವರ ಅಂಟಿಸಲು ಕಾಲಾವಕಾಶ ವಿಸ್ತರಿಸಲಾಗಿದೆ ಎಂದು ಗ್ರಾಹಕರ ವ್ಯವಹಾರ ಸಚಿವ ರಾಂ ವಿಲಾಸ್‌ ಪಾಸ್ವಾನ್‌ ತಿಳಿಸಿದ್ದಾರೆ.

ಹೆಚ್ಚುವರಿ ಬೆಲೆ ವಿವರವನ್ನು ಈ ಹಿಂದಿನ ಬೆಲೆ ಪಕ್ಕದಲ್ಲಿಯೇ ಅಂಟಿಸಬೇಕು. ಇದು ಜುಲೈ 1ರ ಮುಂಚೆ  ದಾಸ್ತಾನು ಮಾಡಲಾಗಿದ್ದ ಇದುವರೆಗೂ ಮಾರಾಟವಾಗದ ಸರಕಿಗೂ ಅನ್ವಯಿಸುತ್ತದೆ. ಜಿಎಸ್‌ಟಿ ಮಂಡಳಿಯ ನಿರ್ಧಾರದ ಅನ್ವಯ, ಒಟ್ಟು 211 ಸರಕುಗಳ ಬೆಲೆಗಳು ಅಗ್ಗವಾಗಿವೆ.