ಭಾರತೀಯ ಷೇರುಪೇಟೆಗಳಿಗೆ ₹6.80 ಲಕ್ಷ ಸಂಗ್ರಹ ಸಾಮರ್ಥ್ಯ

ನವದೆಹಲಿ : ಭಾರತೀಯ ಷೇರುಪೇಟೆಗಳು ಪ್ರತಿವರ್ಷ ₹6.80 ಲಕ್ಷ ಕೋಟಿ  ಬಂಡವಾಳ ಸಂಗ್ರಹಿಸುವ ಸಾಮರ್ಥ್ಯ ಹೊಂದಿವೆ ಎಂದು ಮುಂಬೈ ಷೇರುಪೇಟೆಯ (ಬಿಎಸ್‌ಇ) ಸಿಇಒ ಆಶೀಶ್‌ ಚವ್ಹಾಣ್‌ ಹೇಳಿದ್ದಾರೆ.

  ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ಮುಂಬೈ ಷೇರುಪೇಟೆಯೇ ₹2 ಲಕ್ಷ ಕೋಟಿ ಸಂಗ್ರಹಿಸುವ ನಿರೀಕ್ಷೆ ಇದೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಮುಂದಿನ ಹತ್ತು ವರ್ಷಗಳಲ್ಲಿ ಮೂಲಸೌಲಭ್ಯ, ಉದ್ಯೋಗ ಸೃಷ್ಟಿ, ಕೈಗಾರಿಕಾ ಪ್ರಗತಿ ಸೇರಿದಂತೆ ಮುಂತಾದ ಅಭಿವೃದ್ಧಿ ಕಾರ್ಯಗಳಿಗೆ ಅಗತ್ಯವಾದ  ಅನುದಾನದ ಅರ್ಧ ಮೊತ್ತವನ್ನು ಪೂರೈಸುವ ಶಕ್ತಿ ದೇಶದ ಷೇರು ಮಾರುಕಟ್ಟೆಗಳಿಗಿದೆ ಎಂದು ಅವರು ಹೇಳಿದ್ದಾರೆ.