ನೈಜೀರಿಯಾದ ನಾಲ್ವರ ಸೆರೆ

ಬೆಂಗಳೂರು: ರಾಮಮೂರ್ತಿನಗರ ಬಳಿಯ ಮಾರಗೊಂಡನಹಳ್ಳಿಯಲ್ಲಿ ಮಾದಕ ವಸ್ತು ಕೊಕೇನ್‌ ಮಾರಾಟ ಮಾಡುತ್ತಿದ್ದ  ಆರೋಪದಡಿ ನೈಜೀರಿಯಾದ ನಾಲ್ವರನ್ನು ಸಿಸಿಬಿ ಪೊಲೀಸರು ಶನಿವಾರ ಬಂಧಿಸಿದ್ದಾರೆ.

‘ಮಾಕೊಕ್‌ ಚೊಕ್ವಕ್‌ ಮೊಹುಲಾಕ್ವು (29), ಗಿಫ್ಟ್‌ ಬೆನೆಡಿಕ್ಟ್‌ (26), ಚುಕ್ವುಇಮೆಕಾ ಇಜೆಯೂಬಿ (31) ಹಾಗೂ ವಿಸ್ಡಂ ಚೊಕ್ವುಕ್‌ (28) ಬಂಧಿತರು. ಅವರಿಂದ 44 ಗ್ರಾಂ ಕೊಕೇನ್‌ ಹಾಗೂ ₹1 ಲಕ್ಷ ನಗದು ಜಪ್ತಿ ಮಾಡಿದ್ದೇವೆ’ ಎಂದು ಸಿಸಿಬಿ ಅಧಿಕಾರಿಯೊಬ್ಬರು ತಿಳಿಸಿದರು.

‘ವ್ಯಾಪಾರ ವೀಸಾದಡಿ ಎರಡು ವರ್ಷಗಳ ಹಿಂದೆ ನಗರಕ್ಕೆ ಬಂದಿದ್ದ ಆರೋಪಿಗಳು, ಪರಿಚಯಸ್ಥರಿಂದ ಕೊಕೇನ್‌ ಖರೀದಿ ಮಾಡಿ, ವಿದ್ಯಾರ್ಥಿಗಳು ಹಾಗೂ ಸಾಫ್ಟ್‌ವೇರ್‌ ಕಂಪೆನಿಯ ಉದ್ಯೋಗಿಗಳಿಗೆ ಮಾರುತ್ತಿದ್ದರು. ಅವರ ಮನೆ ಮೇಲೆ ದಾಳಿ ನಡೆಸಿ ಬಂಧಿಸಿದ್ದೇವೆ’ ಎಂದರು.

‘ಆರೋಪಿಗಳ ಪೈಕಿ ಚೊಕ್ವಕ್‌ ಮೊವುಲೊಕ್ವು ಹಾಗೂ ಗಿಫ್ಟ್‌ ಬೆನೆಡಿಕ್ಟ್‌  ಅವರನ್ನು ಎನ್‌ಸಿಬಿ ಅಧಿಕಾರಿಗಳು 4 ತಿಂಗಳ ಹಿಂದಷ್ಟೇ ಬಂಧಿಸಿದ್ದರು. ಆ ಪ್ರಕರಣದಲ್ಲಿ ಜಾಮೀನು ಪಡೆದಿದ್ದ ಇವರು, ಪುನಃ ಮಾದಕ ವಸ್ತು ಮಾರಾಟದಲ್ಲಿ ತೊಡಗಿದ್ದರು’ ಎಂದರು.