‘ಸಿದ್ದರಾಮಯ್ಯ ಪದಚ್ಯುತಿಗೆ ಪಿತೂರಿ’

ಬೆಂಗಳೂರು: ‘ಪಟ್ಟಭದ್ರರು ಸಿದ್ದ­ರಾಮಯ್ಯ ಅವರ ಸರ್ಕಾರವನ್ನು ಪದಚ್ಯುತಗೊಳಿಸಲು ಪಿತೂರಿ ನಡೆ­ಸಿ­ದ್ದು, ಅದಕ್ಕೆ ಅವಕಾಶ ನೀಡಬಾ­ರದು’ ಎಂದು ಲೋಕೋಪಯೋಗಿ ಸಚಿವ ಡಾ.ಎಚ್‌.ಸಿ. ಮಹದೇವಪ್ಪ ಮಂಗಳವಾರ ಆಗ್ರಹಪಡಿಸಿದರು.

‘ಜನಸಂಖ್ಯೆ ಆಧಾರದ ಮೇಲೆ ಶಿಕ್ಷಣ ಮತ್ತು ಉದ್ಯೋಗದಲ್ಲಿ ಪರಿ­ಶಿಷ್ಟ ಪಂಗಡದವರಿಗೆ ಮೀಸಲಾತಿ ಕಲ್ಪಿಸಬೇಕು’ ಎಂದು ಒತ್ತಾಯಿಸಿ ಫ್ರೀಡಂ ಪಾರ್ಕ್‌­ನಲ್ಲಿ ಧರಣಿ ನಡೆಸುತ್ತಿದ್ದ ನಾಯಕ ಮಹಾಸಭಾದ  ಮುಖಂಡರನ್ನು ಉದ್ದೇಶಿಸಿ ಮಾತನಾಡಿದರು.

ಸೂಕ್ತ ಕ್ರಮ ತೆಗೆದುಕೊಳ್ಳುವ ಭರವಸೆ ಸಚಿವರಿಂದ ಸಿಕ್ಕ ನಂತರ ಮಹಾಸಭಾದ ಮುಖಂಡರು ಧರಣಿ ಕೈಬಿಟ್ಟರು. ವಿಧಾನ ಪರಿಷತ್‌ ಸದಸ್ಯ ಎಚ್‌.ಎಂ.ರೇವಣ್ಣ, ಸಂಡೂರು ಶಾಸಕ ಇ.ತುಕಾರಂ ಈ ಸಂದರ್ಭದಲ್ಲಿ ಹಾಜರಿದ್ದರು.