‘ಲಾಭದಾಯಕ ಕೃಷಿಗೆ ಯೋಜನೆ ಅಗತ್ಯ’

ಆರಂಭದಲ್ಲಿ ನಡೆದ ಆಕರ್ಷಕ ಮೆರವಣಿಗೆಯಲ್ಲಿ ಬ್ಯಾಂಡು ವಾದ್ಯ, ಕೊಂಬು ಸಹಿತ ಕೀಲು ಕುದುರೆ ನೃತ್ಯ ಗಮನ ಸೆಳೆಯಿತು. ಪ್ರಮುಖರಾದ ಎ.ಸಿ.ಭಂಡಾರಿ, ಎನ್. ಪ್ರಕಾಶ್ ಕಾರಂತ, ಸುದರ್ಶನ್ ಜೈನ್, ಕೈಯೂರು ನಾರಾಯಣ ಭಟ್, ಕಿರಣ್ ಹೆಗ್ಡೆ,  ಬೇಬಿ ಕುಂದರ್, ನಾರಾಯಣ ಹೆಗ್ಡೆ, ಎ. ರುಕ್ಮಯ ಪೂಜಾರಿ, ರವೀಂದ್ರ ಕಂಬಳಿ,  ಅರುಣ್ ಕುಮಾರ್ ಶೆಟ್ಟಿ ನುಲಿಯಾಲ್ ಗುತ್ತು, ಶ್ರೀನಿವಾಸ ಮೆಲ್ಕಾರ್ ಮತ್ತಿತರು ಪಾಲ್ಗೊಂಡಿದ್ದರು.

 

ತೆಂಗಿನ ಗರಿಗಳಿಂದಲೇ ನಿರ್ಮಿಸಿದ ಆಕರ್ಷಕ ಚಪ್ಪರ, ಸಭಾಂಗಣದ ಸುತ್ತಲೂ ಮಾವಿನ ಎಲೆ ಸಹಿತ ಅಡಿಕೆ ಮತ್ತು ತೆಂಗಿನ ಗರಿಗಳಿಂದ ಅಲಂಕಾರ, ಗಂಗೆಯನ್ನು ಜಟೆಯಲ್ಲಿ ಧರಿಸಿದ ಶಿವನ ವಿಗ್ರಹ, ಬೈಹುಲ್ಲಿನಿಂದಲೇ ರಚಿಸಿದ ಕೊಡಲಿ ಹಿಡಿದ ವಿಶ್ವಾಮಿತ್ರ, ಕಂಬಳ ಕೋಣಗಳ ಕನೆಹಲಗೆ ಓಟದ ಪ್ರಾತ್ಯಕ್ಷಿಕೆ, ಕುಲುಮೆ ಕುಟ್ಟುವ ಕರಕುಶಲ ಪ್ರದರ್ಶನ, ದೇವಸ್ಥಾನ ಮಾದರಿ ಗುಡಿ, ಹಣ್ಣಡಿಕೆಯಿಂದ ರಚಿಸಿದ ಸ್ವಾಗತ ಗೋಪುರ, ಪಂಚವಟಿ ಪರ್ಣಕುಟೀರ, ರಾಸುಗಳ ಹಟ್ಟಿ, ಏತ ನೀರಾವರಿ ಪ್ರಾತ್ಯಕ್ಷಿಕೆ, ಸಮವಸ್ತ್ರಧಾರಿ ಶಿಸ್ತುಬದ್ಧ ಸ್ವಯಂ ಸೇವಕರು, ಯಂತ್ರೋಪಕರಣ ಪ್ರಾತ್ಯಕ್ಷಿಕೆ, ಪುಸ್ತಕ, ಹೂಗಿಡ, ತರಕಾರಿ ಬೀಜ ಮಾರಾಟ ಗಮನ ಸೆಳೆಯಿತು.

ಕೃಷಿಯಲ್ಲಿ ಸೀಮಿತ ಆದಾಯ ಮತ್ತು ಅಸ್ಥಿರ ದರ ಪ್ರಕ್ರಿಯೆ ಇರುವ ಹಿನ್ನೆಲೆಯಲ್ಲಿ ರೈತರ ಖರ್ಚಿನಲ್ಲಿಯೂ ಹಿಡಿತ ಇರಬೇಕು.

-ಡಿ.ವೀರೇಂದ್ರ ಹೆಗ್ಗಡೆ 

ಧರ್ಮಾಧಿಕಾರಿ