ಧಾರಾವಾಹಿ ಚಿತ್ರೀಕರಣ: ಸಂಚಾರಕ್ಕೆ ಅಡ್ಡಿ

ಗಜೇಂದ್ರಗಡ: ಈ ಭಾಗದಲ್ಲಿ ನಡೆಯುತ್ತಿರುವ ‘ಗಂಗಾ’ ಧಾರಾವಾಹಿ ಚಿತ್ರಿಕರಣವನ್ನು ಸೋಮವಾರ ಇಲ್ಲಿನ ರೋಣ ರಸ್ತೆಯಲ್ಲಿ ಚಿತ್ರೀಕರಿಸುವಾಗ ಸಂಚಾರಕ್ಕೆ ತೊಂದರೆ ಉಂಟಾಯಿತು.

ಪಟ್ಟಣದಿಂದ ರೋಣ ರಸ್ತೆಯಲ್ಲಿರುವ ಹೊಟೇಲ್ಲೊಂದರ ಬಳಿ ಚಿತ್ರೀಕರಿಸುತ್ತಿರುವಾಗ ಜನರು ಅದ ನ್ನು ನೋಡಲು ಜನರು ರಸ್ತೆ ಮಧ್ಯದ ವರೆಗೆ ನಿಂತ ಪರಿಣಾಮ ಸಂಚಾರಕ್ಕೆ ತೊಂದರೆಯಾಯಿತು. ‘ಚಿತ್ರೀಕರಣ ಮಾಡುವಾಗ ಪೊಲೀಸರ ನೆರವನ್ನು ಪಡೆದುಕೊಳ್ಳಬೇಕು ಇಲ್ಲದಿದ್ದರೆ ಸಂಚಾರಕ್ಕೆ ತಡೆಯಾಗುವುದಲ್ಲದೇ, ಅಪಾಯವು ಸಂಭವಿಸಬಹುದು.ಚಿತ್ರ ತಂಡವು ಗಮನಿಸಿ ಮುಖ್ಯ ರಸ್ತೆಗಳಲ್ಲಿ ಚಿತ್ರಿಕರಿಸುವಾಗ ಜಾಗೃತಿಯನ್ನು ವಹಿಸಬೇಕೆಂದು’ ಎಂದು ಶಿವು ಅರಳಿ, ಕೆ.ಎಸ್.ಸಾಲಿಮಠ ಆಗ್ರಹಿಸಿದ್ದಾರೆ.