ಜಾತಿ ರಾಜಕಾರಣ ಮಾಡಲ್ಲ: ಸಿದ್ದಪ್ಪ ನೀರ್ಲೂಟಿ

ಕನಕಗಿರಿ :  ಈ ಕ್ಷೇತ್ರದ ಎಪಿಎಂಸಿ ಕೃಷಿಕರ ಕ್ಷೇತ್ರದ ಚುನಾವಣೆಯಲ್ಲಿ ಕಾಂಗ್ರೆಸ್‌ ಬೆಂಬಲಿತ ಅಭ್ಯರ್ಥಿ  ಹುಸೇನಸಾಬ ಗೊರಳ್ಳಿ ಗೆಲುವು ಖಚಿತ ಎಂದು ಹಾಲುಮತ ಕುರುಬ ಸಮಾಜದ ಜಿಲ್ಲಾ ಘಟಕದ ಮಾಜಿ ಅಧ್ಯಕ್ಷ ಸಿದ್ದಪ್ಪ ನೀರ್ಲೂಟಿ ಹೇಳಿದರು.

ನೀರ್ಲೂಟಿ ಗ್ರಾಮದಲ್ಲಿ ಭಾನುವಾರ ನಡೆದ ಎಪಿಎಂಸಿ ಕ್ಷೇತ್ರದ ಚುನಾವಣಾ ಪ್ರಚಾರ ಸಭೆಯಲ್ಲಿ ಅವರು ಮಾತನಾಡಿದರು. ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷ ಬಸಂತಗೌಡ ಮಾತನಾಡಿ ಜಿಲ್ಲಾ ಪಂಚಾಯಿತಿ ಉಪಾಧ್ಯಕ್ಷ ಹಾಗೂ ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷ ಸ್ಥಾನವನ್ನು ಕುರುಬ ಸಮಾಜಕ್ಕೆ ನೀಡಲಾಗಿದೆ ಎಂದರು.

ಪಟ್ಟಣ ಪಂಚಾಯಿತಿ ಉಪಾಧ್ಯಕ್ಷ ಮಂಜುನಾಥ ಗಡಾದ, ಸದಸ್ಯ ಶರಣಬಸವ ಭತ್ತದ,ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿ ಹುಸೇನಸಾಬ ಗೊರಳ್ಳಿ, ಕೃಷಿ ಪ್ರಾಥಮಿಕ ಪತ್ತಿನಸಹಕಾರಿ ಸಂಘದ ಅಧ್ಯಕ್ಷ ಬಿ. ಕನಕಪ್ಪ, ಮುಖಂಡ ರಮೇಶ ನಾಯಕ ಹುಲಿಹೈದರ  ಮಾತನಾಡಿದರು.

ತಾಲ್ಲೂಕು ಪಂಚಾಯಿತಿ ಸದಸ್ಯ ಮಲ್ಲಿಕಾರ್ಜುನ ಗೌಡ, ಪಟ್ಟಣ ಪಂಚಾಯತಿ ಸದಸ್ಯ ಮಹ್ಮದಪಾಷ ಮುಲ್ಲಾರ, ಎಪಿಎಂಸಿ ಮಾಜಿ ನಿರ್ದೇಶಕ ಇಮಾಮಸಾಬ ಎಲಿಗಾರ, ಮುಖಂಡರಾದ ಹಿರೇ ರಾಜಸಾಬ ಎಲಿಗಾರ, ವೀರೇಶ ಸಮಗಂಡಿ, ಮೈಲಾರಪ್ಪ ನಾಗಲಾಪುರ, ಇಬ್ರಾಯಿಂಸಾಬ ಇದ್ದರು.