‘ರಾಜಕಾರಣಿಗಳು ನಿರ್ಣಯಿಸಬಾರದು’

ಮೈಸೂರು: ಧರ್ಮ ಹೇಗಿರಬೇಕು ಎಂಬುದನ್ನು ನಿರ್ಣ ಯಿಸುವಂತಹ ಯೋಗ್ಯತೆ ರಾಜಕೀಯ ನೇತೃತ್ವಕ್ಕೆ ಇನ್ನೂ ಬಂದಿಲ್ಲ ಎಂದು ಶಾಸಕ ಹಾಗೂ ಬಿಜೆಪಿ ಮುಖಂಡ ಸಿ.ಟಿ.ರವಿ ಮಂಗಳವಾರ ಇಲ್ಲಿ ಹೇಳಿದರು.

ಲಿಂಗಾಯತ ಪ್ರತ್ಯೇಕ ಧರ್ಮದ ಬಗ್ಗೆ ಪ್ರತಿಕ್ರಿಯೆ ನೀಡಿದ ಅವರು, ಧರ್ಮದ ಬಗ್ಗೆ ನಿರ್ಣಯವನ್ನು ಧಾರ್ಮಿಕ ಮುಖಂಡರೇ ತೆಗೆದುಕೊಳ್ಳಬೇಕು ಎಂದು ತಿಳಿಸಿದರು.

ಬಸವಣ್ಣ ಮತ್ತು ಕನಕದಾಸ ಅವರನ್ನು ಹಿಂದೂ ಧರ್ಮದಿಂದ ಬೇರೆ ಮಾಡಲು ಜಗತ್ತಿನ ಯಾವುದೇ ಶಕ್ತಿಗೂ ಸಾಧ್ಯವಿಲ್ಲ. ಅವರಿಬ್ಬರೂ ಹಿಂದೂ ಧರ್ಮದ ಸುಧಾರಕರಾಗಿದ್ದು, ಹಿಂದೂ ಧರ್ಮದ ತತ್ವಗಳನ್ನು ಜಗತ್ತಿಗೆ ಸರಳ ರೂಪದಲ್ಲಿ ತಿಳಿಸಿಕೊಟ್ಟವರು. ಅವರನ್ನು ಹಿಂದೂ ಧರ್ಮದಿಂದ ಬೇರ್ಪಡಿಸಲು ನಡೆಯುವ ಷಡ್ಯಂತ್ರಗಳು ವಿಫಲವಾಗಲಿವೆ ಎಂದರು.