ತಾಯಿ–ಮಗ ನಾಮಪತ್ರ ಸಲ್ಲಿಕೆ

ಕೊಳ್ಳೇಗಾಲ: ಹನೂರು ವಿಧಾನಸಭಾ ಕ್ಷೇತ್ರದಿಂದ ಬಿಜೆಪಿ ಅಭ್ಯರ್ಥಿಯಾಗಿ ಡಾ. ಪ್ರೀತಂ ನಾಗಪ್ಪ ಹಾಗೂ ಪಕ್ಷೇತರ ಅಭ್ಯರ್ಥಿಯಾಗಿ ಅವರ ತಾಯಿ ಪರಿಮಳಾ ನಾಗಪ್ಪ ಶುಕ್ರವಾರ ನಾಮಪತ್ರ ಸಲ್ಲಿಸಿದರು.

ಈ ಕುರಿತು ಪ್ರತಿಕ್ರಿಯಿಸಿದ ಪರಿಮಳಾ, ‘ಇಬ್ಬರಲ್ಲಿ ಒಬ್ಬರ ನಾಮಪತ್ರ ಸ್ವೀಕೃತವಾಗುತ್ತಿದ್ದಂತೆ ಮತ್ತೊಬ್ಬರು ವಾಪಸ್ ಪಡೆಯುತ್ತೇವೆ. ಈ ಮೊದಲು ನಾನು ಅಧಿಕೃತ ಅಭ್ಯರ್ಥಿಯಾಗಿದ್ದಾಗ ನನ್ನ ಮಗ ನಾಮಪತ್ರ ಸಲ್ಲಿಸುತ್ತಿದ್ದ’ ಎಂದರು.

‘ನನ್ನ ಪತಿ ನಾಗಪ್ಪ ಅವರು ಬದುಕಿದ್ದ ಕಾಲದಿಂದಲೂ ಇದೇ ಸಂಪ್ರದಾಯವನ್ನು ಮುಂದುವರಿಸಿಕೊಂಡು ಬಂದಿದ್ದೇವೆ. ಇದರಲ್ಲಿ ಯಾವುದೇ ವಿಶೇಷ ಇಲ್ಲ’ ಎಂದು ಅವರು ತಿಳಿಸಿದರು.