ಘರ್ಜಿಸಲು ಸಿದ್ಧವಾದ ಬಾಹುಬಲಿ–2

ಭಾರತದ ಚಿತ್ರರಂಗದ ಇತಿಹಾಸದಲ್ಲಿ ಹೊಸ ಮೈಲಿಗಲ್ಲು ನಿರ್ಮಿಸಿದ್ದ ಚಿತ್ರ ‘ಬಾಹುಬಲಿ’. ಇದರ ಮುಂದುವರಿದ ಭಾಗವಾಗಿ ‘ಬಾಹುಬಲಿ–2’ ಚಿತ್ರೀಕರಣವನ್ನು ಪೂರ್ಣಗೊಳಿಸಿ ಬಿಡುಗಡೆಗೆ ಸಿದ್ಧವಾಗುತ್ತಿದೆ.

ಬಾಹುಬಲಿ–2  ಎಸ್‌ಎಸ್‌ ರಾಜಮೌಳಿ ನಿರ್ದೇಶನದಲ್ಲಿ ಮೂಡಿಬಂದಿದ್ದು, ಹೆಚ್ಚು ದಿನಗಳ ಕಾಲ ‘ಬಾಹುಬಲಿ’ ಬಳಗದಲ್ಲಿ ಗುರುತಿಸಿಕೊಂಡಿದ್ದು ನಟ ಪ್ರಭಾಸ್. ಕಳೆದ ಮೂರೂವರೆ ವರ್ಷಗಳಿಂದ ಇನ್ನಿತರೆ ಚಿತ್ರಗಳಲ್ಲಿ ತೊಡಗಿಕೊಳ್ಳದೆ, ‘ಬಾಹುಬಲಿ’ಗಾಗಿ ಹಗಲಿರುಳು ಶ್ರಮಿಸಿದ್ದಾರೆ. ಚಿತ್ರದಲ್ಲಿ ರಾಣಾ ದಗ್ಗುಬಾಟಿ, ನಟಿ ಅನುಷ್ಕಾ ಶೆಟ್ಟಿ, ನಟಿ ತಮನ್ನಾ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ನಟ ಪ್ರಭಾಸ್‌ ಬಗ್ಗೆ ಟ್ವೀಟ್‌ ಮಾಡಿರುವ ನಿರ್ದೇಶಕ ರಾಜಮೌಳಿ ‘ಚಿತ್ರದ ಮೂರುವರೆ ವರ್ಷಗಳ ಮಹಾಪಯಣ ಪೂರ್ಣಗೊಂಡಿದೆ. ಈ ಪ್ರಾಜೆಕ್ಟ್‌ ಮೇಲೆ ನಂಬಿಕೆ ಇಟ್ಟ ನಿನಗೆ ಧನ್ಯವಾದಗಳು’ ಎಂದು ಹೇಳಿದ್ದಾರೆ.

‘ಬಾಹುಬಲಿ 2’ ಚಿತ್ರೀಕರಣ ಪೂರ್ಣಗೊಳಿಸಿ ಬಿಡುಗಡೆಗೆ ಸೂಕ್ತ ತಯಾರಿ ಮಾಡಿಕೊಳ್ಳುತ್ತಿದ್ದು, ಏಪ್ರಿಲ್‌ 28ರಂದು ಚಿತ್ರ ಬಿಡುಗಡೆಯಾಗಲಿದೆ.