ಪತ್ನಿಗೆ ಪ್ರೀತಿಯ ಶುಭಾಶಯ

ಪತಿ ಅಕ್ಷಯ್‌ ಕುಮಾರ್ ಹಾಗೂ ಕುಟುಂಬದೊಂದಿಗೆ ದಕ್ಷಿಣ ಆಫ್ರಿಕಾದ ಪ್ರವಾಸದಲ್ಲಿರುವ ಟ್ವಿಂಕಲ್‌ ಖನ್ನಾ ಅವರಿಗೀಗ ಹುಟ್ಟುಹಬ್ಬದ ಸಂಭ್ರಮ. ಅವರ ಹುಟ್ಟುಹಬ್ಬದ ಸಂಭ್ರಮಕ್ಕೆ ಅಭಿಮಾನಿಗಳಿಂದ ಸಾಮಾಜಿಕ ಮಾಧ್ಯಮಗಳಲ್ಲಿ ಶುಭಾಶಯಗಳ ಮಹಾಪೂರವೇ ಹರಿದುಬಂದಿದೆ.

ಈ ನಡುವೆ ಪತಿ ಅಕ್ಷಯ್‌ ಕುಮಾರ್ ಸಹ ರಜೆ ಸಂಭ್ರಮದ ಫೋಟೊವೊಂದನ್ನು ಶೇರ್‌ ಮಾಡಿ ವಿಭಿನ್ನವಾಗಿ ಶುಭಾಶಯ ಕೋರಿದ್ದಾರೆ. ‘ಪ್ರತಿ ಪ್ರಯಾಣವೂ ಸಾಹಸಮಯ ಮತ್ತು ಮನೋರಂಜನೆಯಿಂದ ಕೂಡಿರುತ್ತದೆ. ನನ್ನ ನೆಚ್ಚಿನ ಪ್ರಯಾಣವಿದು. ಹುಟ್ಟುಹಬ್ಬದ ಶುಭಾಶಯಗಳು ಟೀನಾ’ ಎಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಶುಭ ಹಾರೈಸಿದ್ದಾರೆ.