ಜುಲೈ 10ಕ್ಕೆ ಕೇಂದ್ರ ಬಜೆಟ್‌

ನವದೆಹಲಿ (ಪಿಟಿಐ): ಭಾರೀ ನಿರೀಕ್ಷೆಯ ಬಿಜೆಪಿ ಸರ್ಕಾರದ ಚೊಚ್ಚಲ ರೈಲ್ವೆ ಬಜೆಟ್‌ ಜುಲೈ 8ಕ್ಕೆ ಮತ್ತು ಸಾಮಾನ್ಯ ಬಜೆಟ್‌ ಜುಲೈ 10ಕ್ಕೆ ಮಂಡನೆಯಾಗುವ ಸಾಧ್ಯತೆಗಳಿವೆ ಎಂದು ಸರ್ಕಾರದ ಉನ್ನತ ಮೂಲಗಳು ತಿಳಿಸಿವೆ.

ರೈಲ್ವೆ ಸಚಿವ ಡಿ.ವಿ.ಸದಾನಂದಗೌಡ ಅವರು ಜುಲೈ 8ಕ್ಕೆ ರೈಲ್ವೆ ಬಜೆಟ್‌ ಮಂಡಿಸಿದರೆ, ಜುಲೈ 10ಕ್ಕೆ ಹಣಕಾಸು ಸಚಿವರಾದ ಅರುಣ್ ಜೇಟ್ಲಿ ಅವರು ಸಾಮಾನ್ಯ ಬಜೆಟ್ ಮಂಡಿಸಲಿದ್ದಾರೆ.

ಈ ಎರಡು ಬಜೆಟ್‌ಗಳು ಮಧ್ಯಂತರ ಬಜೆಟ್‌ ಆಗಿರಲಿವೆ. ರೈಲ್ವೆ ಮತ್ತು ಹಣಕಾಸು ಇಲಾಖೆಗಳಲ್ಲಿ ಬಜೆಟ್‌ ಪೂರ್ವ ಸಿದ್ಧತೆಗಳು ಬಿರುಸಿನಿಂದ ನಡೆಯುತ್ತಿವೆ ಎಂದು ಮೂಲಗಳು ತಿಳಿಸಿವೆ.