ಸೆಲೆಬ್ರಿಟಿಗಳ ಫೋಟೋ ಬಳಸಿ ಪೆಲೆಟ್ ಗನ್ ವಿರುದ್ದ ಆನ್‍ಲೈನ್ ಅಭಿಯಾನ

ನವದೆಹಲಿ: ಕಾಶ್ಮೀರದಲ್ಲಿ 'ಪೆಲೆಟ್ ಗನ್' ಸೃಷ್ಟಿಸಿರುವ ಅಂಧಕಾರದ ವಿರುದ್ಧ ದನಿಯೆತ್ತಿರುವ ಪಾಕಿಸ್ತಾನದ ನ್ಯಾಯವಾದಿಯೊಬ್ಬರು ಸೆಲೆಬ್ರಿಟಿಗಳ ಫೋಟೋವನ್ನು ಬಳಸಿ ಪೆಲೆಟ್ ಗನ್‍ ಬಳಕೆ ಪರಿಣಾಮ ಯಾವ ರೀತಿ ಇರುತ್ತದೆ ಎಂಬುದನ್ನು ಬಿಂಬಿಸಿದ್ದಾರೆ.

ಪಾಕಿಸ್ತಾನದ ಮೊಹಮ್ಮದ್ ಜಿಬ್ರಾನ್ ನಾಸಿರ್, ಬತೂಲ್ ಅಖೀಲ್ ಮತ್ತು ಮುರ್ತಾಜಾ ಅಬ್ಬಾಸ್ ಎಂಬವರು ಜನಪ್ರಿಯ ವ್ಯಕ್ತಿಗಳ ಫೋಟೋದಲ್ಲಿ ಪೆಲೆಟ್‍ನ ಗುರುತು ಮೂಡಿಸಿ ಪೆಲೆಟ್ ಗನ್ ಬಳಕೆಯ ಪರಿಣಾಮಗಳನ್ನು ಈ ಚಿತ್ರಗಳ ಮೂಲಕ ಹೇಳಿದ್ದಾರೆ.

ಭಾರತದ ಪ್ರಧಾನಿ ನರೇಂದ್ರ ಮೋದಿ, ಶಾರುಖ್ ಖಾನ್, ಅಮಿತಾಬ್ ಬಚ್ಚನ್, ಸೋನಿಯಾ ಗಾಂಧಿ, ವಿರಾಟ್ ಕೊಹ್ಲಿ, ಆಲಿಯಾ ಭಟ್, ಸೈಫ್ ಅಲಿ ಖಾನ್, ಕಾಜೋಲ್, ಐಶ್ವರ್ಯಾ ರೈ ಮತ್ತು ಹೃತಿಕ್ ರೋಷನ್ ಮೊದಲಾದವರ ಮುಖದಲ್ಲಿ ಪೆಲೆಟ್ ಗಾಯವಾದಂತೆ ಚಿತ್ರವನ್ನು ಎಡಿಟ್ ಮಾಡಿ ಈ ಮೂಲಕ ಭಾರತಕ್ಕೆ ಸಂದೇಶವನ್ನು ರವಾನಿಸಲಾಗಿದೆ. ಇಷ್ಟೆಲ್ಲಾ ಭಾರತೀಯ ಸೆಲೆಬ್ರಿಟಿಗಳ ಹೊರತಾಗಿ ಫೇಸ್‍ಬುಕ್ ಸಿಇಒ ಮಾರ್ಕ್  ಜುಕರ್‍‍ಬರ್ಗ್ ಅವರ ಫೋಟೋವನ್ನೂ ಈ ಅಭಿಯಾನದಲ್ಲಿ ಬಳಸಲಾಗಿದೆ.

</p><p><strong>ಯಾಕೆ ಈ ಅಭಿಯಾನ?:</strong> ಹಿಜ್ಬುಲ್ ಮುಜಾಹಿದ್ದೀನ್ ಕಮಾಂಡರ್ ಬುರ್ಹಾನ್ ವಾನಿ ಹತ್ಯೆಯ ಹಿನ್ನೆಲೆಯಲ್ಲಿ ಗಲಭೆ ಪೀಡಿತ ಜಮ್ಮು ಮತ್ತು ಕಾಶ್ಮೀರದ ಜನರ ಮೇಲೆ ಭಾರತದ ಭದ್ರತಾ ಪಡೆ ಪೆಲೆಟ್‌ ಬಂದೂಕು ಬಳಕೆ ಮಾಡಿದ್ದನ್ನು ಖಂಡಿಸಿರುವ ಪ್ರತ್ಯೇಕತಾವಾದಿಗಳು ಕಾಶ್ಮೀರದ ಜನತೆಗೆ ಬೆಂಬಲವನ್ನು ಸೂಚಿಸಿ ಈ ಅಭಿಯಾನವನ್ನು ಹಮ್ಮಿಕೊಂಡಿದ್ದಾರೆ. <strong>Never Forget Pakistan </strong>ಎಂಬ ವೆಬ್‍ಸೈಟ್‍ನ ಫೇಸ್‍ಬುಕ್ ಪೇಜ್‍ನಲ್ಲಿ  ಈ ಫೋಟೋಗಳನ್ನು ಅಪ್‍ಲೋಡ್ ಮಾಡಲಾಗಿದ್ದು, ಈ ಫೋಟೋಗಳೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.</p><p><strong>ಏನಿದು ಪೆಲೆಟ್ ಗನ್? :</strong><br/>&#13; ಕಾಶ್ಮೀರದಲ್ಲಿ ಹಿಂಸಾಚಾರ ನಡೆದಾಗ ಭಾರತದ ಭದ್ರತಾ ಪಡೆ ಜನರನ್ನು ನಿಯಂತ್ರಿಸುವುದಕ್ಕಾಗಿ ಪೆಲೆಟ್ ಗನ್ (ಏರ್ ಗನ್ ) ಬಳಕೆ ಮಾಡಿತ್ತು, ಪೆಲೆಟ್‍ಗಳೆಂದರೆ ಚಿಕ್ಕ ಗೋಲಿಗಳು. ಚರ್ಮದ ಸೂಕ್ಷ್ಮ ಪ್ರದೇಶಗಳಿಗೆ ಇದು ತಾಗಿದರೆ ಮಾರಣಾಂತಿಕವಾಗಿರುತ್ತದೆ. ಕಣ್ಣಿನಂತಹ ಪ್ರದೇಶಕ್ಕೆ ಇದು ತಾಗಿದರೆ ದೃಷ್ಟಿಯೇ ಕಳೆದುಹೋಗಿಬಿಡುತ್ತದೆ!. ಈ ಪೆಲೆಟ್‌ಗಳು ಅತಿ ಚಿಕ್ಕದಾಗಿರುವುದರಿಂದ ಅವುಗಳನ್ನು ಸುಲಭವಾಗಿ ಶಸ್ತ್ರಚಿಕಿತ್ಸೆಯಲ್ಲಿ ತೆಗೆಯುವುದು ಅಸಾಧ್ಯ. ಆದರೆ ಪೊಲೀಸರು ಪೆಲೆಟ್‌ ಗನ್‌ ಮಾರಣಾಂತಿಕವಲ್ಲ ಎಂದು ಹೇಳುತ್ತಾ ಬಂದಿದ್ದಾರೆ.</p></p>