‘ಗುಟ್ಕಾ ನಿಷೇಧದಿಂದ ಧನಾತ್ಮಕ ಪರಿಣಾಮ’

ಮುಂಬೈ (ಪಿಟಿಐ) : ಭಾರತದ ವಿವಿಧ ರಾಜ್ಯಗಳಲ್ಲಿ ಗುಟ್ಕಾ ನಿಷೇಧ ಮಾಡಿದ ನಂತರ, ಈ ಉತ್ಪನ್ನ  ಉಪಯೋಗಿಸುವವರ ಪ್ರಮಾಣ ಗಣನೀಯವಾಗಿ ಇಳಿಕೆಯಾಗಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಹೇಳಿದೆ.

  ಗುಟ್ಕಾ ನಿಷೇಧವಿರುವ 7 ರಾಜ್ಯಗಳಲ್ಲಿ ‘ಡಬ್ಲ್ಯುಎಚ್‌ಒ’ ಈ  ಅಧ್ಯಯನ ನಡೆಸಿತ್ತು. ಅಸ್ಸಾಂ, ಬಿಹಾರ್‌, ಗುಜರಾತ್‌, ಕರ್ನಾಟಕ, ಮಧ್ಯಪ್ರದೇಶ, ಮಹಾರಾಷ್ಟ್ರ, ಒಡಿಶಾ, ದೆಹಲಿಯಲ್ಲಿ ಗುಟ್ಕಾ ನಿಷೇಧಕ್ಕೆ ಶೇ 92 ಮಂದಿ ಸಕಾರಾತ್ಮಕ ಸ್ಪಂದನೆ ತೋರಿದ್ದಾರೆ.

ಶೇ 99 ಮಂದಿ ಯುವಕರು ಗುಟ್ಕಾ ನಿಷೇಧವು ಆರೋಗ್ಯಕ್ಕೆ ಪೂರಕ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.