ಉದ್ಯಮಿ ಎಸ್‌.ಡಿ. ಶಿವಾಜಿ ನಿಧನ

ಬೆಂಗಳೂರು: ಹಿರಿಯ ಉದ್ಯಮಿ ಎಸ್‌.ಡಿ. ಶಿವಾಜಿ (87) ಅವರು ನಗರದಲ್ಲಿ ಶುಕ್ರವಾರ ನಿಧನರಾದರು.

ಜಯನಗರದ 3ನೇ ಬ್ಲಾಕ್‌ನ ಕೆನರಾ ಬ್ಯಾಂಕ್‌ ಕಾಲೊನಿಯಲ್ಲಿ ವಾಸವಿದ್ದ ಅವರಿಗೆ ಪತ್ನಿ, ಪುತ್ರಿ ಹಾಗೂ ನಾಲ್ವರು ಪುತ್ರರು ಇದ್ದಾರೆ.

ಅಬಕಾರಿ ಗುತ್ತಿಗೆದಾರರಾಗಿದ್ದ ಅವರು ಗಾಂಧಿನಗರದ ‘ಎಸ್‌. ಧೋಂಡುಸಾ ಗೋಲ್ಡ್‌ ಥ್ರೆಡ್‌ ಫ್ಯಾಕ್ಟರಿ’ ಪಾಲುದಾರರಾಗಿದ್ದರು. ‘ದಿ ಪ್ರಿಂಟರ್ಸ್ (ಮೈಸೂರು) ಪ್ರೈವೇಟ್‌ ಲಿಮಿಟೆಡ್‌’ ಆಡಳಿತ ಮಂಡಳಿಯ ನಿರ್ದೇಶಕರಾಗಿದ್ದರು.

ಚಾಮರಾಜಪೇಟೆಯ ಟಿ.ಆರ್‌.ಮಿಲ್‌ ರುದ್ರಭೂಮಿಯಲ್ಲಿ ಶನಿವಾರ (ಸೆ. 23) ಮಧ್ಯಾಹ್ನ 12.30 ಗಂಟೆಗೆ ಅಂತ್ಯಕ್ರಿಯೆ ನಡೆಯಲಿದೆ ಎಂದು ಕುಟುಂಬದವರು ತಿಳಿಸಿದ್ದಾರೆ. ಕುಟುಂಬದವರ ಸಂಪರ್ಕಕ್ಕಾಗಿ 98800 70781.