ಒಂದೇ ಮನೆಯಲ್ಲಿ, 30 ಮಂದಿಯ ಗಣತಿ

ತಿಪಟೂರು: ಜಾತಿ ಜನಗಣತಿಗೆಂದು ಒಂದು ಮನೆಗೆ ಬಂದ ಗಣತಿದಾರರು ಚಾಪೆ ಹಾಸಿ ಕೂತವರು ಅರ್ಧ ದಿನ ಮೇಲೇಳಲಿಲ್ಲ. ಒಂದಾದ ಮೇಲೊಂದ ರಂತೆ ಮನೆ ಮಂದಿಯದ್ದೆಲ್ಲಾ ವಿವರ ತುಂಬುತ್ತಾ  ಕೊನೆಗೊಂಡಾಗ  ಮಂದಿಯ ಮಾಹಿತಿ ದಾಖಲಾಗಿತ್ತು.

ಒಂದೇ ಕುಟುಂಬದಲ್ಲಿ ಮೂವತ್ತು ಮಂದಿ ಇದ್ದ ಮನೆಯಲ್ಲಿ ಜಾತಿ ಜನಗಣತಿ ನಡೆದ ಅಪರೂಪದ ದೃಶ್ಯವಿದು. ತಾಲ್ಲೂಕಿನ ಹೊನ್ನವಳ್ಳಿ ಪಕ್ಕದ ಹನುಮಂತಪುರದ ಬಸವೇಗೌಡರ ಮನೆಯಲ್ಲಿ ಜಾತಿ ಜನಗಣತಿ ದೀರ್ಘ ಕಾಲ ನಡೆಯಿತು.

ಡಿಸಿಸಿ ಬ್ಯಾಂಕ್ ನಿರ್ದೇಶಕ ಗಂಗಾಧರಪ್ಪ ಸೇರಿದಂತೆ ಮೂವತ್ತು ಜನರಿರುವ ಈ ಮನೆಯಲ್ಲಿ ಎಲ್ಲ ಸದಸ್ಯರ ಆಧಾರ್ ಕಾರ್ಡ್, ಮತದಾರರ ಗುರುತಿನ ಚೀಟಿ ಮತ್ತಿತರ ದಾಖಲೆ ಪಡೆದು ಗಣತಿದಾರರು ನಮೂನೆ ಭರ್ತಿ ಮಾಡಿಕೊಂಡರು. ಗಣತಿ ಕಾರ್ಯ ಮುಗಿಯುವ ಹೊತ್ತಿಗೆ ಅರ್ಧ ದಿನ ಸರಿದು ಹೋಗಿತ್ತು.