ಡಾ.ಎಸ್‌.ಎಂ.ವೃಷಭೇಂದ್ರ ಸ್ವಾಮಿ ನಿಧನ

 ಧಾರವಾಡ: ಹಿರಿಯ ವಿದ್ವಾಂಸ ಹಾಗೂ ಇಲ್ಲಿಯ ಕರ್ನಾಟಕ ವಿಶ್ವವಿದ್ಯಾನಿಲಯ ಕನ್ನಡ ಅಧ್ಯಯನ ಪೀಠದ ನಿವೃತ್ತ ನಿರ್ದೇಶಕ ಡಾ. ಎಸ್‌.ಎಂ.ವೃಷಭೇಂದ್ರ ಸ್ವಾಮಿ (88) ಬುಧವಾರ ಇಲ್ಲಿಯ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾದರು.

ಸತ್ತೂರಿನಲ್ಲಿರುವ ಖಾಸಗಿ ಆಸ್ಪತ್ರೆ­ಯಲ್ಲಿ ಅವರು ಹೃದಯಾ­ಘಾತ­ದಿಂದ ಕೊನೆಯುಸಿರೆಳೆದರು. ಕರ್ನಾಟಕ ವಿಶ್ವವಿದ್ಯಾಲಯದ ಆವರಣದಲ್ಲಿರುವ ರುದ್ರಭೂಮಿಯಲ್ಲಿ ಗುರುವಾರ ಸಂಜೆ 4ಕ್ಕೆ ಅಂತ್ಯಕ್ರಿಯೆ ನಡೆಯಲಿದೆ.

ಕುವೆಂಪು ಅವರ ಶಿಷ್ಯರಾಗಿದ್ದ ವೃಷ­ಭೇಂದ್ರಸ್ವಾಮಿ, ತಾವು ತರಗತಿ­ಯಲ್ಲಿ ಕೇಳಿದ ಪಾಠಗಳನ್ನು ಆಧರಿಸಿ ಭಾರತ ಕಾವ್ಯಮೀಮಾಂಸೆಗೆ ಕುವೆಂಪು ತುಳಿದ ಸ್ವತಂತ್ರ ಹಾದಿ ಕುರಿತ ಒಳನೋಟಗಳನ್ನು ಒಳಗೊಂಡ ಕೃತಿ ‘ತರಗತಿಯಲ್ಲಿ ಕುವೆಂಪು’ ಸೇರಿದಂತೆ ಹಲವು ಕೃತಿಗಳನ್ನು ರಚಿಸಿದ್ದಾರೆ. ಅವರಿಗೆ ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಸೇರಿದಂತೆ ಹಲವು ಪ್ರಶಸ್ತಿಗಳು ಸಂದಿವೆ.