ಅಂಟಾರ್ಕ್ಟಿಕಾದಲ್ಲಿ ಮಂಜುಗಡ್ಡೆ ಕರಗುತ್ತಿದೆ: ಅಧ್ಯಯನ ವರದಿ

ವಾಷಿಂಗ್ಟನ್‌ (ಪಿಟಿಐ): ಅಂಟಾರ್ಕ್ಟಿಕಾ ಸಾಗರದಲ್ಲಿ ಕಾಣಸಿಗುವ ತೇಲುವ ಮಂಜುಗಡ್ಡೆಗಳು ಹವಾಮಾನ ವೈಪರೀತ್ಯದಿಂದಾಗಿ ಕರಗುತ್ತಿದ್ದು, ಈಗಾಗಲೇ ಅದರ ಗಾತ್ರಗಳಲ್ಲಿ ಶೇ 18ರಷ್ಟು ಕಡಿಮೆಯಾಗಿದೆ ಎಂದು ಹೊಸ ಅಧ್ಯಯನ ತಿಳಿಸಿದೆ.

ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದ ಸಾಗರ ವಿಜ್ಞಾನಿಗಳ ತಂಡ ಈ ಬಗ್ಗೆ ಸಂಶೋಧನೆ ಕೈಗೊಂಡಿದ್ದು, ಎರಡು ದಶಕಗಳಿಂದ ಈ ಬಗ್ಗೆ ಸಂಗ್ರಹಿಸಿದ ದತ್ತಾಂಶಗಳ ಪ್ರಕಾರ 1994ರಿಂದ 2003ರವರೆಗೆ ಮಂಜುಗಡ್ಡೆ ಕರಗುತ್ತಿದ್ದು, ವಾತಾವರಣದಲ್ಲಿ ಆಗುತ್ತಿರುವ ಬದಲಾವಣೆಯೇ ಇದಕ್ಕೆ ಕಾರಣ ಎಂದಿದ್ದಾರೆ.

‘ಮಂಜುಗಡ್ಡೆ ಕರಗುವುದರಿಂದ  ಕೇವಲ ಸಮುದ್ರದ ಮಟ್ಟದಲ್ಲಿ ಏರಿಕೆ ಕಾಣುವುದಲ್ಲದೆ, ಅನೇಕ ವ್ಯತಿರಿಕ್ತ ಪರಿಣಾಮಗಳಾಗುತ್ತದೆ’ ಎಂದು ಅವರು ಹೇಳಿದ್ದಾರೆ.