ವಾಷಿಂಗ್ಟನ್ : ವಿದೇಶಗಳ ತಂತ್ರಜ್ಞಾನ ಪರಿಣಿತರಿಗೆ ನೀಡುವ ಎಚ್1ಬಿ ಉದ್ಯೋಗ ವೀಸಾ ವಿತರಣೆ ಪ್ರಕ್ರಿಯೆಗೆ ಅಮೆರಿಕ ಮತ್ತೆ ಚಾಲನೆ ನೀಡಿದೆ. ಭಾರತದ ಐಟಿ ಕಂಪೆನಿಗಳಿಂದ ಬಹು ಬೇಡಿಕೆಯಿರುವ ಈ ವೀಸಾಕ್ಕಾಗಿ ಅರ್ಜಿಗಳ ಮಹಾಪೂರ ಇದ್ದುದರಿಂದ ಈ ಪ್ರಕ್ರಿಯೆಯನ್ನು ಏಪ್ರಿಲ್ನಲ್ಲಿ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿತ್ತು. ಐದು ತಿಂಗಳ ಬಳಿಕ ಇದಕ್ಕೆ ಮರು ಚಾಲನೆ ಸಿಕ್ಕಿದೆ.
2018ರ ಆರ್ಥಿಕ ವರ್ಷಕ್ಕೆ ಅನ್ವಯವಾಗುವಂತೆ ಅಮೆರಿಕದ ಪೌರತ್ವ ಹಾಗೂ ವಲಸೆ ಸೇವೆಗಳ ಇಲಾಖೆಯು ಇದನ್ನು ಪುನರ್ ಆರಂಭಿಸಿದೆ. ಈ ಬಾರಿ 65,000 ವೀಸಾಗಳಿಗೆ ನಿಗದಿಪಡಿಸಲಾಗಿದೆ. ಈ ಪ್ರಕ್ರಿಯೆಯು ಈಗಾಗಲೇ ಬಾಕಿಯಿರುವ ಅರ್ಜಿಗಳಿಗೆ ಮಾತ್ರ ಅನ್ವಯವಾಗುತ್ತದೆ. ಹೊಸ ಅರ್ಜಿಗಳಿಗೆ ಅವಕಾಶವಿಲ್ಲ ಎಂದು ಇಲಾಖೆಯು ಸ್ಪಷ್ಟಪಡಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.