ನಿರ್ಬಂಧ ಮೀರಿ ರಾಕೆಟ್‌ ಬಿಟ್ಟ ಉತ್ತರ ಕೊರಿಯಾ

ಸೋಲ್‌ (ಎಪಿ / ಏಜೆನ್ಸೀಸ್‌): ವಿಶ್ವಸಂಸ್ಥೆ ಹೇರಿರುವ ನಿರ್ಬಂಧವನ್ನು ಉಲ್ಲಂಘಿಸಿ ದೂರಗಾಮಿ ರಾಕೆಟ್‌ ಉಡಾವಣೆ ಮಾಡಿರುವ ಉತ್ತರ ಕೊರಿಯಾ, ಈ ಕಾರ್ಯದಲ್ಲಿ ‘ಸಂಪೂರ್ಣ ಯಶಸ್ಸು’ ಪಡೆದಿರುವುದಾಗಿ ಹೇಳಿಕೊಂಡಿದೆ.

ವಿಶ್ವಸಂಸ್ಥೆ ನಿರ್ಬಂಧ ವಿಧಿಸಿರುವುದು ಮಾತ್ರವಲ್ಲದೆ ಅಮೆರಿಕ ಸೇರಿದಂತೆ ಹಲವು ರಾಷ್ಟ್ರಗಳು ಅಣ್ವಸ್ತ್ರ ಪ್ರಯೋಗ ನಡೆಸದಂತೆ ಉತ್ತರ ಕೊರಿಯಾಗೆ ಎಚ್ಚರಿಕೆ ನೀಡಿವೆ. ಆದರೂ ಉತ್ತರ ಕೊರಿಯಾ ದೂರಗಾಮಿ ರಾಕೆಟ್‌ ಉಡಾವಣೆ ಮಾಡಿ ವಿಶ್ವ ಸಮುದಾಯಕ್ಕೆ ಸೆಡ್ಡು ಹೊಡೆದಿದೆ.

ನಿರ್ಬಂಧ ಮೀರಿ ಉತ್ತರ ಕೊರಿಯಾ ದೂರಗಾಮಿ ರಾಕೆಟ್‌ ಉಡಾವಣೆ ಮಾಡಿರುವುದನ್ನು ಅಮೆರಿಕ, ದಕ್ಷಿಣ ಕೊರಿಯಾ ಸೇರಿದಂತೆ ಹಲವು ರಾಷ್ಟ್ರಗಳು ಖಂಡಿಸಿವೆ.

ಉತ್ತರ ಕೊರಿಯಾ ಜನವರಿ 6ರಂದುಜಲಜನಕ ಬಾಂಬ್‌ ಪರೀಕ್ಷೆ ನಡೆಸಿತ್ತು. ಈ ಪರೀಕ್ಷೆ ಕೂಡ ವಿಶ್ವ ಸಮುದಾಯದ ಟೀಕೆಗೆ ಗುರಿಯಾಗಿತ್ತು.