ಅರ್ಥವಿಲ್ಲದ ಆರತಕ್ಷತೆ

ಆರತಕ್ಷತೆ ಎಂದರೆ ನವದಂಪತಿಯನ್ನು ಹಸೆಮಣೆ ಮೇಲೆ ಕೂರಿಸಿ ಆರತಿ ಬೆಳಗಿ, ಅಕ್ಷತೆ ಹಾಕಿ ಆಶೀರ್ವದಿಸುವ ಸಮಾರಂಭ. ಆದರೆ ಇಂದಿನ ದಿನಗಳಲ್ಲಿ ದಂಪತಿ ಆಗುವುದಕ್ಕಿಂತ ಮುಂಚೆಯೇ ಆರತಕ್ಷತೆ ಮಾಡಿ ಮುಗಿಸುತ್ತಾರೆ!

ಸಾಮಾನ್ಯವಾಗಿ ಮದುವೆಯ ಹಿಂದಿನ ದಿನವೇ ಆರತಕ್ಷತೆ ನಡೆಯುತ್ತಿದೆ. ಮದುವೆ ಆದ ಮೇಲೆ ಆರತಕ್ಷತೆ ಮಾಡುವುದು ನಮ್ಮ ಸಂಪ್ರದಾಯ ಮತ್ತು ಸಂಸ್ಕೃತಿ.  ಸಮಯ ಮತ್ತು ಅದಕ್ಕಿಂತ ಮುಖ್ಯವಾಗಿ ಹಣ ಉಳಿಸುವುದಕ್ಕಾಗಿ ಸಂಪ್ರದಾಯ, ಸಂಸ್ಕೃತಿಯನ್ನು ಗಾಳಿಗೆ ತೂರುವುದು ಹಾಗೂ ಅದನ್ನು ಹೇಗೆ ಬೇಕೋ ಹಾಗೆ ತಿರುಚುವುದರಲ್ಲ್ಲಿ ಅರ್ಥವಿದೆಯೇ?