ಕಂಡಕ್ಟರರು ಸಹಕರಿಸಲಿ

ನಗರ ಸಾರಿಗೆ ವಾಹನಗಳಲ್ಲಿ   ಹಿರಿಯ ನಾಗರಿಕರಿಗಾಗಿ ಅನುಕ್ರಮವಾಗಿ ನಾಲ್ಕು ಸ್ಥಾನಗಳನ್ನು ಕಾದಿರಿಸಲಾಗಿದೆ. ಆದರೆ ಅದರಲ್ಲಿ  ಯುವಕರೇ ಕುಳಿತು ಬಿಟ್ಟಿರುತ್ತಾರೆ. ಪಾಪ ವಯಸ್ಸಾದವರು  ಕಷ್ಟಪಟ್ಟು, ರಾಡ್ ಹಿಡಿದು ನಿಂತಿರುತ್ತಾರೆ.

ಹಿರಿಯರಿಗೆ ಚಿಕ್ಕವರು  ಸ್ಥಳ ಕಲ್ಪಿಸಬೇಕು, ಆದು ಹೋಗಲಿ,  ಅವರಿಗಾಗಿ  ಕಾದಿರಿಸಿದ ಸ್ಥಾನಗಳಲ್ಲೇ ಯುವಕರು  ಯಾವ ನಾಚಿಕೆಯೂ ಇಲ್ಲದೆ ಕುಳಿತಿರುತ್ತಾರೆ. ಹಿರಿಯರಿಗೆ ಸೀಟ್‌ ಬಿಟ್ಟುಕೊಡಿ ಎಂದು ಕೇಳಲೂ ಸಂಕೋಚ. ಇದೆಲ್ಲವನ್ನೂ ಗಮನಿಸಿಯೂ ಕಂಡಕ್ಟರುಗಳು ತಮಗೂ ಇದಕ್ಕೂ ಸಂಬಂಧ ಇಲ್ಲ ಎನ್ನುವಂತೆ ಇರುವುದು ಸರಿಯಲ್ಲ. ದಯವಿಟ್ಟು ಇಲ್ಲಿ ಕಂಡಕ್ಟರುಗಳು ಸೀಟು ಕೊಡಿಸುವಲ್ಲಿ ಮುಂದಾಗಬೇಕು.