ರಜೆ ಬದಲಾವಣೆ ಬೇಡ

ಈದ್ ಹಾಗೂ ಬಕ್ರೀದ್ ಹಬ್ಬ ಆಚರಣೆ ಚಂದ್ರದರ್ಶನದ ಮೇಲೆ ಅವಲಂಬಿತವಾಗಿರುವುದರಿಂದ ಈ ಹಬ್ಬಗಳಿಗೆ ಮೊದಲೇ ರಜೆ ಘೋಷಣೆ ಮಾಡಿದರೆ ಸಮಸ್ಯೆಯಾಗುತ್ತದೆ.

ಕಳೆದ ಎರಡು ವರ್ಷಗಳಲ್ಲಿ ಸರ್ಕಾರ ನಿಗದಿ ಮಾಡಿದ ದಿನದಂದು ಹಬ್ಬ ಆಚರಣೆ ಆಗಿಲ್ಲ. ಇದರಿಂದಾಗಿ ಕೊನೆಯ ಕ್ಷಣದಲ್ಲಿ ರಜೆಯನ್ನು ಬದಲಿಸಬೇಕಾಯಿತು. ಇದು ಹಲವು ಗೊಂದಲಗಳಿಗೆ ಕಾರಣವಾಗಿತ್ತು. ಕೊನೆಯ ಕ್ಷಣದಲ್ಲಿ ರಜೆ ಬದಲಾವಣೆ ಮಾಡಿದರೆ ರಜೆ ಇದೆ ಎಂದು ಊರಿಗೆ ಹೊರಟವರಿಗೆ, ಶಾಲಾ ಮಕ್ಕಳಿಗೆ, ಶಿಕ್ಷಕರಿಗೆ, ಶಾಲಾ ವಾಹನಗಳ ಚಾಲಕರಿಗೆ... ಹೀಗೆ ಎಲ್ಲರಿಗೂ ತೊಂದರೆಯಾಗುತ್ತದೆ.

ಮುಸ್ಲಿಂ ಸಮುದಾಯದ ಸರ್ಕಾರಿ ನೌಕರರು ಹಬ್ಬದ ದಿನದಂದೇ ರಜೆ ಪಡೆಯಬಹುದು ಎಂದು ರಾಜ್ಯ ಸರ್ಕಾರದ ರಜಾ ನಿಯಮಾವಳಿಯಲ್ಲಿ ಹೇಳಿದೆ. ಆದ್ದರಿಂದ ಈ ಹಬ್ಬಗಳ ರಜೆಯನ್ನು ಮೊದಲೇ ಘೋಷಿಸದಿರುವುದು ಒಳಿತು.
-ಅಬ್ದುಲ್ ಖಾದರ್, ಮಂಗಳೂರು­