ವಾರದ ರಜೆ ಸಲ್ಲದು

ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಪೆಟ್ರೋಲಿಯಂ ಉತ್ಪನ್ನಗಳನ್ನು ಮಿತವಾಗಿ ಬಳಸುವಂತೆ ದೇಶದ ನಾಗರಿಕರಿಗೆ ಇತ್ತೀಚೆಗೆ ಕರೆ ನೀಡಿದ್ದರು. ಮುಂದಿನ ಪೀಳಿಗೆಯ ಹಿತರಕ್ಷಣೆಗೆ ಆದ್ಯತೆ ನೀಡುವ ವಿಚಾರ ಇದಾಗಿತ್ತೇ ವಿನಾ ಪೆಟ್ರೋಲ್ ಬಂಕ್‌ಗಳಿಗೆ ವಾರದ ರಜೆ ನೀಡುವುದಾಗಿರಲಿಲ್ಲ.

ವಾಹನಗಳ ಅಥವಾ ಇಂಧನ ಮಿತ ಬಳಕೆಯ ದೂರದೃಷ್ಟಿಯು ವಾರದ ರಜೆಯೊಂದಿಗೆ ಯಾವುದೇ ಸಂಬಂಧ ಹೊಂದಿಲ್ಲವೆಂದು ಪೆಟ್ರೋಲಿಯಂ ಸಚಿವಾಲಯವೂ ಸ್ಪಷ್ಟಪಡಿಸಿದೆ. ಆದರೆ ದಕ್ಷಿಣ ಭಾರತದ ಪೆಟ್ರೋಲ್ ಬಂಕ್ ಮಾಲೀಕರ ಸಂಘ ಭಾನುವಾರ ಬಂಕ್‌ಗಳನ್ನು ಮುಚ್ಚುವ ನಿಲುವು ತಳೆದಿದೆ. ಇದರ ನೇರ ಪರಿಣಾಮ ಸಾರ್ವಜನಿಕರ ಮೇಲೆ ಆಗುತ್ತದೆ. ಆದ್ದರಿಂದ ಈ ಬಗ್ಗೆ ಬಂಕ್ ಮಾಲೀಕರು ಮತ್ತೊಮ್ಮೆ ಚಿಂತನೆ ನಡೆಸುವುದು ಒಳಿತು.
–ಸುದರ್ಶನ ಎಚ್. ಯಡಹಳ್ಳಿ, ಬೆನಕಟ್ಟಿ