ವ್ಹೀಲಿಂಗ್‌ ಹಾವಳಿ ತಪ್ಪಿಸಿ

ಬೆಂಗಳೂರಿನ ವರ್ತುಲ ರಸ್ತೆಗಳು ಮತ್ತು ನೈಸ್‌ ರಸ್ತೆಗಳಲ್ಲಿ ಹತ್ತಾರು ಯುವಕರು ಪ್ರತಿದಿನವೂ ದ್ವಿಚಕ್ರ ವಾಹನಗಳಲ್ಲಿ ಬಂದು ವ್ಹೀಲಿಂಗ್‌ ಮಾಡುವ ಸಾಹಸದಲ್ಲಿ ನಿರತರಾಗಿರುತ್ತಾರೆ. ಇವರ ಈ ಅಟ್ಟಹಾಸದಿಂದ ಅನೇಕ ಜನ ಅಪಘಾತಗಳಿಗೆ ತುತ್ತಾಗುತ್ತಿದ್ದಾರೆ.

ಇವರನ್ನು ಮಾತನಾಡಿಸಿದರೆ ಅಥವಾ ಈ ರೀತಿ ಮಾಡಬಾರದೆಂದು ಹೇಳಲು ಹೋದರೆ ಜಗಳಕ್ಕೆ ಬರುತ್ತಾರೆ. ಈ ರೀತಿ ವ್ಹೀಲಿಂಗ್‌ ಮಾಡುವವರ ವಿರುದ್ಧ ಪೊಲೀಸ್‌ ಇಲಾಖೆ ಸೂಕ್ತ ಕ್ರಮ ಕೈಗೊಳ್ಳಬೇಕು.