ಸೋನಿಯಾ ಗಾಂಧಿ ಇತಿಹಾಸದ ಪುಟ ಸೇರುತ್ತಿರುವುದು ಒಂದು ಭಾವಪೂರ್ಣ ಪ್ರಸಂಗ. ರಾಜೀವ್ ಗಾಂಧಿಯವರ ‘ಬಿಳಿಹೆಂಡ್ತಿ’ಯಾಗಿ ಬಂದ ಸೋನಿಯಾ, ನೆಹರೂ ಮನೆತನಕ್ಕೆ ‘ಗೃಹಲಕ್ಷ್ಮಿ’ಯಾದರು. ಪತಿಯನ್ನು ಜಗತ್ತೇ ಬೆಚ್ಚಿದ ದುರಂತದಲ್ಲಿ ಕಳೆದುಕೊಂಡು ‘ರಕ್ತದ ಕಣ್ಣೀರು’ ಹರಿದಾಗಲೂ ಮಕ್ಕಳನ್ನು ‘ತಾಯಿಯ ಮಡಿಲಲ್ಲಿ’ ಬೆಳೆಸಿದರು. ಕೋಮುವಾದದ ದಳ್ಳುರಿಯಾಗಿ ದೇಶ ‘ಬಯಲುದಾರಿ’ಯಾದಾಗ ದೇಶಕ್ಕೆ ‘ಸೊಸೆ ತಂದ ಸೌಭಾಗ್ಯ’
ವೆನ್ನುವಂತೆ ‘ಹೊಸಬೆಳಕು’ ನೀಡಿದರು. ಹೆಚ್ಚಿನ ಸಮಯ ‘ಮೌನರಾಗ’ದಲ್ಲೆ ಇದ್ದರೂ ಎಲ್ಲರಿಗೂ ಆಸರೆಯಾಗಿದ್ದ ಸೋನಿಯಾ, ತಮ್ಮ ಉಳಿದ ಜೀವನವನ್ನು ಮಹಿಳೆಯರು ಹಾಗೂ ಮಕ್ಕಳ ಅಭ್ಯುದಯಕ್ಕೆ ಮೀಸಲಿಡಲಿ.
–ಕೆ. ಪ್ರಕಾಶ, ಸೀಗೋಡು (ಚಿಕ್ಕಮಗಳೂರು ಜಿಲ್ಲೆ)
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.