ಅಲೆಮಾರಿಯಾದ ಪ್ರಿಯಾಂಕ

‘ಸೋ.. ನಾವು ಇಲ್ಲಿಂದ ಎಲ್ಲಿ ಹೋಗುತ್ತೇವೆ... ಟ್ರಾವೆಲ್ಲರ್‌ #ನೋಮ್ಯಾಡ್‌ ಗರ್ಲ್‌’ ಹೀಗೆಂದು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿಕೊಂಡಿದ್ದಾರೆ ಪ್ರಿಯಾಂಕಾ ಚೋಪ್ರಾ. ವಿಮಾನದ ಕಿಟಕಿ ಹೊರಗೆ ನೋಡುತ್ತಿರುವ ಅವರು ಯಾವುದೋ ಯೋಚನೆಯಲ್ಲಿ ತಲ್ಲೀನವಾಗಿರುವಂತಿದೆ ಈ ಚಿತ್ರ.

ಪ್ರಿಯಾಂಕಾ ಹಾಲಿವುಡ್‌ ಗಲ್ಲಿಗೆ ಕಾಲಿರಿಸಿದ್ದಾಗಿನಿಂದ ಸಂಚಾರಿಯಾಗಿಬಿಟ್ಟಿದ್ದಾರೆ. ಪ್ರಪಂಚದಾದ್ಯಂತ ಪಯಣ ಮಾಡುತ್ತಲೇ ಇರುತ್ತಾರೆ. ಈ ಕಾರಣಕ್ಕೆ ‘ಅಲೆಮಾರಿ ಹುಡುಗಿ’ ಎಂದು ಅವರು ತಮ್ಮನ್ನು ಕರೆದುಕೊಂಡಿದ್ದಾರೆ.

ಸದ್ಯ ಹಾಲಿವುಡ್‌ನ ‘ಇಸ್‌ ನಾಟ್‌ ಇಟ್‌ ರೊಮ್ಯಾಂಟಿಕ್‌’ ಸಿನಿಮಾದ ಚಿತ್ರೀಕರಣದಲ್ಲಿ ಪ್ರಿಯಾಂಕಾ ಬ್ಯುಸಿಯಾಗಿದ್ದಾರೆ. ಟೊರಾಂಟೊದಲ್ಲಿ ನಡೆಯಲಿರುವ ಅಂತರರಾಷ್ಟ್ರೀಯ ಸಿನಿಮೋತ್ಸವದಲ್ಲಿ ತಾಯಿ ಮಧು ಚೋಪ್ರಾ ಜೊತೆ ಅವರು ಪಾಲ್ಗೊಳ್ಳಲಿದ್ದಾರೆ.