ನಯನ ಜತೆ ಹೋಲಿಸಬೇಡಿ

‘ನಟಿ ನಯನ ತಾರಾ ಜತೆ ನನ್ನನ್ನು ಹೋಲಿಸಿಬೇಡಿ’

ಎಂದು ಹಾಗಂತ ಟಾಲಿವುಡ್‌ನ ನವನಟಿ ರಾಕುಲ್ ಪ್ರೀತ್ ಸಿಂಗ್ ಹೇಳಿಕೆ ನೀಡಿದ್ದಾರೆ. ಹಾಗಂತ ರಾಕೂಲ್ ನಯನ ವಿರುದ್ಧ ಸಿಟ್ಟಿನಿಂದ ಹೇಳಿಲ್ಲ. ಪ್ರೀತಿಯಿಂದಲೇ ಈ ತಮ್ಮ ಅಭಿಪ್ರಾಯವನ್ನು ಮಾಧ್ಯಮದ ಮಂದಿ ಹೇಳಿಕೊಂಡಿದ್ದಾರೆ.

ಉತ್ತರ ಭಾರತವರಾದ ರಾಕುಲ್ ಇತ್ತೀಚೆಗೆ ಟಾಲಿವುಡ್‌ನಲ್ಲಿ ನೆಲೆಯೂರಲು ಯತ್ನಿಸುತ್ತಿದ್ದಾರೆ. ಪ್ರಿನ್ಸ್ ಮಹೇಶ್ ಜತೆ ಈಚೆಗಷ್ಟೆ ಸ್ಪೈಡರ್ ಸಿನಿಮಾದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದ ಮುದ್ದು ನಗುವಿನ ಈ ನಟಿ ಈಗ ಕಾರ್ತಿಗೆ ನಾಯಕಿಯಾಗಿದ್ದಾರೆ.

‘ಖಾಕಿ’ ಸಿನಿಮಾದಲ್ಲಿ ಕಾರ್ತಿ ಜತೆ ಸರಿಸಮವಾಗಿ ನಟಿಸಿರುವ ರಾಕುಲ್ ಅಭಿನಯ ಕಂಡು ಅಭಿಮಾನಿಗಳು ಮತ್ತೊಬ್ಬ ನಯನ ತಾರಾ ಉದಯವಾದಳು ಎಂದು ನುಡಿದಿದ್ದರಂತೆ. ಇದನ್ನು ಕೇಳಿಸಿಕೊಂಡ ರಾಕುಲ್ ನಯನ ತಾರಾ ಅವರು ದೊಡ್ಡನಟಿ. ಅಂಥವರೊಂದಿಗೆ ನನ್ನಂಥ ಚಿಕ್ಕನಟಿಯನ್ನು ಹೋಲಿಕೆ ಮಾಡುವುದು ಸಲ್ಲದು ಎಂದು ವಿನೀತರಾಗಿಯೇ ನುಡಿದಿದ್ದಾರೆ.