ಕೋವಿಡ್‌ 2ನೇ ಅಲೆ: ಒಬ್ಬರು ಸಾವು

ಚಿಕ್ಕಮಗಳೂರು: ಕೋವಿಡ್‌ ತಗುಲಿದ್ದ ನಗರದ 69 ವರ್ಷದ ವ್ಯಕ್ತಿಯೊಬ್ಬರು ಮೃತಪಟ್ಟಿದ್ದಾರೆ. ಬುಧವಾರ14 ಮಂದಿಗೆ ಕೋವಿಡ್‌ ದೃಢಪಟ್ಟಿದ್ದು, ಐವರು ಗುಣಮುಖರಾಗಿದ್ದಾರೆ.

ಜಿಲ್ಲೆಯಲ್ಲಿ ಎರಡನೇ ಅಲೆಯ ಕಾಣಿಸಿಕೊಂಡ ನಂತರ ಮೊದಲ ಸಾವು ಇದಾಗಿದೆ.

ಕೋವಿಡ್‌ ದೃಢ ಪ್ರಕರಣಗಳ ತಾಲ್ಲೂಕುವಾರು ಅಂಕಿಅಂಶ: ಚಿಕ್ಕಮಗಳೂರು, ಕೊಪ್ಪ, ತರೀಕೆರೆ ತಲಾ 4 ಹಾಗೂ ಕಡೂರು– ಇಬ್ಬರಿಗೆ ಪತ್ತೆಯಾಗಿದೆ.

ಕೋವಿಡ್‌ ಪರೀಕ್ಷೆಗೆ ಬುಧವಾರ1639 ಮಂದಿಯ ಮಾದರಿ ಸಂಗ್ರಹಿಸಲಾಗಿದೆ. ಪ್ರಸ್ತುತ ಜಿಲ್ಲೆಯಲ್ಲಿ ಸಕ್ರಿಯ ಪ್ರಕರಣಗಳು 120 ಇವೆ ಎಂದು ಜಿಲ್ಲಾ ಸರ್ವೇಕ್ಷಣಾಧಿಕಾರಿ ಡಾ.ಎಚ್‌.ಕೆ.ಮಂಜುನಾಥ್‌ ತಿಳಿಸಿದ್ದಾರೆ.