ಆಕಳು ಮತ್ತು ಪುಟ್ಟಿ

ಅಮ್ಮ ಬಂದಳು ಗೌರಿ ಮನೆಗೆ‌
ರೊಟ್ಟಿಯ ತಾರಮ್ಮ

ಸಗಣಿಯ ಹಾಕಿದೆ ಬಾಚುವೆ ಅದನು
ಗೊಬ್ಬರವದುವೆ ತಾನಮ್ಮ

ಕೆಚ್ಚಲು ತುಂಬಿದೆ ಕರುವು ಕಾದಿದೆ
ಪಾತ್ರೆಯ ಸಪ್ಪಳ ಮಾಡದಿರು

ಕುಡಿಯಲಿ ಮೊದಲದು ಹೊಟ್ಟೆಯ ತುಂಬಾ
ಬಳಿಕವೆ ಕರಿಯುವ ಹಾಲನ್ನು

ಏಟು ಚೆಂದ ಕಾಣುವುದಮ್ಮ
ನಮ್ಮ ಆಕಳ ಕರು ಮರಿ

ಬಿಳಿ ಬಿಳಿ ಬಣ್ಣ ಹೊಳೆಯುವುದಮ್ಮ
ಹಾಲಿನ ಥರದೇ ಈ ಮರಿ

ಬಹಳವೇ ಇಷ್ಟ ನನಗೆ ಗೌರಿ
ನೆಕ್ಕುತ ಪ್ರೀತಿಯ ತೋರುವಳು

ನೀನು ಅಷ್ಟೆ ಅಚ್ಚು ಮೆಚ್ಚು
ಪ್ರೀತಿಯ ನೀಡುವ ಅಮ್ಮಯ್ಯ

ಹೊಟ್ಟೆಯು ಹಸಿದಿದೆ
ತುತ್ತನು ತಾರೆ ದಮ್ಮಯ್ಯ

–ಕೃಷ್ಣ ಶ್ರೀಕಾಂತ ದೇವಾಂಗಮಠ