ಗುರುಕೃಪೆ
ಮಹಾಭಾರತದ ಬಾಲಿಕೆಗೆ
ವಂಶಾಭಿವೃದ್ಧಿಯ ಯೋಗ
*
ಗುಡಿಸಿಲ ಗರ್ಭದಲ್ಲಿ ಜೀವಂತಿಕೆ
ಗರ್ಭಗುಡಿಯ ಜಿಡ್ಡುಗಲ್ಲುಗಳಿಗೆ
ಅಸೂಯೆ
*
ತುಸು ಮಾತಾಡಲಿಕ್ಕಿದೆ
ದೇವರೇ ಎದುರಿಗೆ ಬಾ
ಮಚ್ಚನ್ನು ಕೆಳಗೆಸೆದಿದ್ದೇನೆ
*
ಹೊಸಬೆಳಕು ಹೊಸ ಜಮಾನ
ಉರಿಯುತ್ತಿವೆ
ದೀಪದ ಬದಲು ಮನೆಗಳು
*
ಪುಟಕ್ಕಿಟ್ಟ ಲೋಹ ಪರಿಶುದ್ಧಗೊಂಡಿದೆ
ಬಿಸಿ ಬೂದಿಯಲಿ
ಸೀತೆಯ ಅಸ್ಥಿ ಚೆಲ್ಲಾಪಿಲ್ಲಿ
*
ಮುಕ್ಕೋಟಿ ಕುಲ ದೈವಗಳ ಸೃಷ್ಟಿಸಿದ
ಮನುಜ
ಸೈತಾನನ ಅಭಿನಂದನೆ
*
ದಕ್ಕದ ಚನ್ನ ಚೆಲುವ
ಅಕ್ಕನಿಗೆ ದುಃಖದೊಡನೆ ಸಖ್ಯ:
ವಚನಾಮೃತದ ಶಿಶು ಜನನ
*
ಗೋಪೂಜೆಯ ಸಂಭ್ರಮ
ಆಕಳಚಿತ್ತ
ಗರಿಕೆ ಹುಲ್ಲಿನತ್ತ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.