ಹೀರೊ ಗ್ಲಾಮರ್ ಎಕ್ಸ್‌ 125 ಬಿಡುಗಡೆ: ಇಲ್ಲಿದೆ ಸಂಪೂರ್ಣ ಮಾಹಿತಿ

ಬೆಂಗಳೂರು: ದ್ವಿಚಕ್ರ ವಾಹನಗಳ ತಯಾರಿಕಾ ಕಂಪನಿ ಹೀರೊ ಮೋಟೊಕಾರ್ಪ್‌ 125 ಸಿಸಿ ಸಾಮರ್ಥ್ಯದ ‘ಗ್ಲಾಮರ್ ಎಕ್ಸ್‌’ ದ್ವಿಚಕ್ರ ವಾಹನ ಬಿಡುಗಡೆ ಮಾಡಿದೆ.

ಈ ದ್ವಿಚಕ್ರ ವಾಹನ ಎರಡು ಮಾದರಿಗಳಲ್ಲಿ ಲಭ್ಯವಿದೆ. ಡ್ರಮ್‌ ಮತ್ತು ಡಿಸ್ಕ್‌ ಬ್ರೇಕ್‌ ಆವೃತ್ತಿಗಳ ದೆಹಲಿಯ ಎಕ್ಸ್‌ ಷೋರೂಂ ದರ ಕ್ರಮವಾಗಿ ₹89,999 ಮತ್ತು ₹99,999 ಆಗಿದೆ. ಕಂಪನಿಯ ಎಲ್ಲಾ ಡೀಲರ್‌ಗಳ ಬಳಿ ವಾಹನ ಲಭ್ಯವಿದೆ. ಇಂಧನ ಟ್ಯಾಂಕ್‌ ಸಾಮರ್ಥ್ಯ 10 ಲೀಟರ್ ಆಗಿದೆ ಎಂದು ಕಂಪನಿ ತಿಳಿಸಿದೆ.

ಈ ದ್ವಿಚಕ್ರ ವಾಹನವು ಹೊಸ ವಿನ್ಯಾಸ, ಸುಧಾರಿತ ತಂತ್ರಜ್ಞಾನ ಹೊಂದಿದ್ದು, ಉತ್ತಮ ಕಾರ್ಯದಕ್ಷತೆಯನ್ನು ಹೊಂದಿದೆ. ತುರ್ತು ಸಂದರ್ಭಗಳಲ್ಲಿ ನಿಲ್ಲಿಸಲು ಸುರಕ್ಷತೆಯ ದೃಷ್ಟಿಯಿಂದ ಪ್ಯಾನಿಕ್ ಬ್ರೇಕ್‌ ಅಲರ್ಟ್‌ ವ್ಯವಸ್ಥೆ ಅಳವಡಿಸಲಾಗಿದೆ ಎಂದು ತಿಳಿಸಿದೆ.