ಮರ್ಸಿಡಿಸ್ ಬೆಂಜ್‌ ಹೊಸ ವಿ–ಕ್ಲಾಸ್ ಎಲೈಟ್ ಬಿಡುಗಡೆ
ಚೆನ್ನೈ: ಐಷಾರಾಮಿ ಕಾರು ತಯಾರಿಸುವ ದೇಶದ ಅತಿದೊಡ್ಡ ಸಂಸ್ಥೆಯಾಗಿರುವ ಮರ್ಸಿಡಿಸ್ ಬೆಂಜ್‌, ಭಾರತದ ಮಾರುಕಟ್ಟೆಗೆ ಹೊಸ ವಿ–ಕ್ಲಾಸ್ ಎಲೈಟ್ ಎಂಪಿವಿ ಬಿಡುಗಡೆ ಮಾಡಿದೆ.
ವಿ–ಕ್ಲಾಸ್ ಎಲೈಟ್ ಮೂಲಕ ಭಾರತದಲ್ಲಿ ಐಷಾರಾಮಿ ಮಲ್ಟಿ ಪರ್ಪಸ್‌ ವೆಹಿಕಲ್‌ (ಎಂಪಿವಿ) ವಿಭಾಗವನ್ನು ಯಶಸ್ವಿಯಾಗಿ ಸೃಷ್ಟಿಸಿದ್ದು, ಅದರ ಮುಂದುವರಿದ ಭಾಗವಾಗಿ ಇದೀಗ ಹೊಸ ವಿನ್ಯಾಸದಲ್ಲಿ ಎಲೈಟ್ ಬಿಡುಗಡೆ ಮಾಡಲಾಗಿದೆ. ಇದರ ಎಕ್ಸ್ ಷೋ ರೂಂ ಬೆಲೆ 1.10 ಕೋಟಿ ರೂಪಾಯಿ ಎಂದು ಕಂಪನಿಯ ಸಿಇಒ ಮಾರ್ಟಿನ್ ಶ್ವೆಂಕ್ ಮಾಹಿತಿ ನೀಡಿದರು.
ಐಷಾರಾಮಿ, ಆರಾಮದಾಯಕ ಮತ್ತು ಸುರಕ್ಷತೆ ದೃಷ್ಟಿಯಿಂದ ಇದು ಅತ್ಯುತ್ತಮ ಎಂಪಿವಿ ಆಗಿದೆ ಎಂದು ತಿಳಿಸಿದ್ದಾರೆ.
ಹಬ್ಬದ ಸಂದರ್ಭದಲ್ಲಿನ ಮಾರಾಟ ತೃಪ್ತಿ ತಂದಿದೆ. ದೇಶದ ಮಾರುಕಟ್ಟೆಗೆ ಮುಂದಿನ ವರ್ಷದಿಂದ ಪ್ರತಿ ತಿಂಗಳೂ ಹೊಸ ವಾಹನ ಬಿಡುಗಡೆ ಮಾಡುವ ಯೋಜನೆ ಹೊಂದಿದ್ದೇವೆ. ಹೊಸ ಉತ್ಪನ್ನಗಳು ಮತ್ತು ಉತ್ತಮ ಸೇವೆ ಮೂಲಕ ಗ್ರಾಹಕರನ್ನು ಸಂತೃಪ್ತಿಗೊಳಿಸಲಾಗುವುದು ಎಂದು ಹೇಳಿದರು.
ಎಂಜಿನ್: ಬಿಎಸ್6, 1950 ಸಿಸಿ, 2 ಲೀಟರ್ ಡೀಸೆಲ್ ಎಂಜಿನ್, 9ಜಿ ಟ್ರಾನಿಕ್ ಆಟೊ ಟ್ರಾನ್ಸ್‌ಮಿಷನ್ ಹೊಂದಿದೆ.
ವೈಶಿಷ್ಟ್ಯ: 6 ಏರ್ ಬ್ಯಾಗ್, ಸೆಂಟರ್ ಕನ್ಸೊಲ್ ವಿತ್ ರೆಫ್ರಿಜರೇಟರ್ ಕಂಪಾರ್ಟ್‌ಮೆಂಟ್, ಎಲೆಕ್ಟ್ರಿಕ್ ಸ್ಲೈಡಿಂಗ್ ಡೋರ್, 360 ಡಿಗ್ರಿ ಕ್ಯಾಮೆರಾ ವಿತ್ ಆಕ್ಟಿವ್ ಪಾರ್ಕ್ ಅಸಿಸ್ಟ್.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.