ಹೀರೊ ಎಲೆಕ್ಟ್ರಿಕ್‌: ₹ 6 ಸಾವಿರದವರೆಗೆ ರಿಯಾಯಿತಿ
ನವದೆಹಲಿ: ಹೀರೊ ಎಲೆಕ್ಟ್ರಿಕ್‌ ಕಂಪನಿಯು ಸ್ವಾತಂತ್ರ್ಯ ದಿನದ ಪ್ರಯುಕ್ತ ‘ನಿಮ್ಮ ಸ್ವಾತಂತ್ರ್ಯವನ್ನು ಆಚರಿಸಿ’ ಎನ್ನುವ ಅಭಿಯಾನಕ್ಕೆ ಚಾಲನೆ ನೀಡಿದ್ದು, ತನ್ನ ಗ್ರಾಹಕರಿಗೆ ₹ 6 ಸಾವಿರದವರೆಗೂ ರಿಯಾಯಿತಿ ಕೊಡುಗೆಗಳನ್ನು ಘೋಷಿಸಿದೆ.
ಈ ಅಭಿಯಾನವು ಈ ತಿಂಗಳ ಅಂತ್ಯದವರೆಗೂ ಲಭ್ಯವಿರಲಿದೆ.
ಹೀರೊ ಎಲೆಕ್ಟ್ರಿಕ್‌ ಹೈ ಸ್ಪೀಡ್‌ ಲೀಥಿಯಂ ಅಯಾನ್‌ ಬೈಕ್‌ ಖರೀದಿಸಿದರೆ ₹ 3 ಸಾವಿರದವರೆಗೆ ರಿಯಾಯಿತಿ ಸಿಗಲಿದೆ. ಇದರ ಜತೆಗೆ ಹೊಸ ಗ್ರಾಹಕರಿಗೆ ₹ 2 ಸಾವಿರದವರೆಗೆ ವಿನಾಯಿತಿಯೂ ಇರಲಿದೆ. ಮೊದಲ ಬಾರಿಗೆ ಗ್ರಾಹಕರನ್ನು ಪರಿಚಯಿಸುವ ಹಾಲಿ ಗ್ರಾಹಕರಿಗೆ ₹ 1 ಸಾವಿರ ಮೌಲ್ಯದ ಅಮೆಜಾನ್‌ ವೋಚರ್‌ ಸಿಗಲಿದೆ.
‘ಉತ್ಪನ್ನಗಳನ್ನು ಖರೀದಿಸಲು ಖರ್ಚು ಮಾಡುವ ಹಣಕ್ಕೆ ಉತ್ತಮ ಮೌಲ್ಯ ಸಿಗಬೇಕು ಎಂದು ಬಯಸುವ ಗ್ರಾಹಕರಿಗೆ ಈ ಅಭಿಯಾನ ಪ್ರಯೋಜನಕಾರಿಯಾಗಿದೆ’ ಎಂದು ಕಂಪನಿಯ ಸಿಇಒ ಸೋಹಿಂದರ್‌ ಗಿಲ್‌ ಹೇಳಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.