ಅಂತರ್ಜಾಲದಲ್ಲಿ ಅಗ್ರಿಗೋಲ್ಡ್‌ ಠೇವಣಿದಾರರ ಮಾಹಿತಿ

ಬೆಂಗಳೂರು: ಅಗ್ರಿಗೋಲ್ಡ್‌ ಸಂಸ್ಥೆಯಿಂದ ವಂಚನೆಗೆ ಒಳಗಾದ ಠೇವಣಿದಾರರ ಮಾಹಿತಿಯನ್ನು ರಾಜ್ಯ ಸಿಐಡಿ ಬಿಡುಗಡೆ ಮಾಡಿದೆ.
ವಂಚನೆಗೆ ಒಳಗಾದವರಲ್ಲಿ ಒಬ್ಬರಾದ ನಿವೃತ್ತ ಭೂವಿಜ್ಞಾನಿ ಎನ್‌. ರಂಗನಾಥನ್‌ ಅವರು ಈ ಮಾಹಿತಿಯನ್ನು ಪರೀಕ್ಷಿಸಿಕೊಳ್ಳಲು ಠೇವಣಿದಾರರಿಗಾಗಿ ವಿಶೇಷ ಸೌಲಭ್ಯ ಕಲ್ಪಿಸಿದ್ದಾರೆ.

ಠೇವಣಿದಾರರು http://www.suhruth.in ಅಂತರ್ಜಾಲ ತಾಣದಲ್ಲಿ ಲಾಗಿನ್‌ ಆಗಿ ತಮ್ಮ ವಿವರಗಳನ್ನು ಖಚಿತಪಡಿಸಿಕೊಳ್ಳಬಹುದು.  customer ಅಂತ ಲಾಗಿನ್‌ ಆಗಿ, agrigold ಪಾಸ್‌ವರ್ಡ್‌ ನೀಡಬೇಕು.

ಆನಂತರ ಬಳಕೆದಾರರ ಗುರುತಿನ ಸಂಖ್ಯೆ ದಾಖಲಿಸಿದರೆ ಠೇವಣಿದಾರರ ಮೊತ್ತದ ವಿವರವನ್ನು ತಿಳಿದುಕೊಳ್ಳಬಹುದು. ಇಲ್ಲಿ ವಿವರಗಳು ಇಲ್ಲದವರು ಇದೇ 13ರ ಒಳಗೆ ಸಿಐಡಿಗೆ ಅಗತ್ಯ ದಾಖಲೆಗಳನ್ನು ಸಲ್ಲಿಸಬೇಕು ಎಂದು ಅವರು ತಿಳಿಸಿದ್ದಾರೆ.