`ಎನ್‌ಸಿಡಿ' ರೂ. 750 ಕೋಟಿ ಸಂಗ್ರಹ ಗುರಿ
ಬೆಂಗಳೂರು: ಬ್ಯಾಂಕಿಂಗೇತರ ಹಣಕಾಸು ಸಂಸ್ಥೆ ಶ್ರಿರಾಮ್ ಟ್ರಾನ್ಸ್‌ಪೋರ್ಟ್ ಫೈನಾನ್ಸ್ ಕಂಪೆನಿ ಲಿ.(ಎಸ್‌ಟಿಎಫ್‌ಸಿ), `ಪರಿವರ್ತನೆಯಾಗದ-ಸುರಕ್ಷಿತ ಡಿಬೆಂಚರ್'(ಎನ್‌ಸಿಡಿ)ಗಳ ಮೂಲಕ ರೂ.750 ಕೋಟಿ ಸಂಗ್ರಹ ಗುರಿ ಇಟ್ಟುಕೊಂಡಿದೆ.
ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಕಂಪೆನಿಯ ವ್ಯವಸ್ಥಾಪಕ ನಿರ್ದೇಶಕ ಉಮೇಶ್ ಜಿ.ರೇವಣಕರ್, ತಲಾ ರೂ.1000 ಮುಖಬೆಲೆಯ `ಎನ್‌ಸಿಡಿ'ಗಳನ್ನು ಜು. 16ರಂದು ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗುವುದು ಎಂದರು.
ಪ್ರಸ್ತಾವಿತ ಹೂಡಿಕೆ ಯೋಜನೆಗೆ `ಕ್ರಿಸಿಲ್' ಸದ್ಯ ಕ್ರಿಸಿಲ್ ಎಎ/ಸುಸ್ಥಿರ(ಸ್ಟೇಬಲ್) ಹಾಗೂ `ಕೇರ್' ಸಂಸ್ಥೆ ಕೇರ್ ಎಎ+ ರೇಟಿಂಗ್ ನೀಡಿವೆ. `ಎನ್‌ಸಿಡಿ'ನಂತರದಲ್ಲಿ ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರ(ಎನ್‌ಎಸ್‌ಇ) ಮತ್ತು ಮುಂಬೈ ಷೇರು ವಿನಿಮಯ ಕೇಂದ್ರದ (ಬಿಎಸ್‌ಇ) ವಹಿವಾಟು ಪಟ್ಟಿ ಸೇರಲಿವೆ ಎಂದು ವಿವರಿಸಿದರು.
ಈ ಯೋಜನೆಯಡಿ ಸಂಗ್ರಹವಾಗುವ ಹಣವನ್ನು ಸಾಲ ವಿತರಣೆ, ಬಂಡವಾಳ ಹೂಡಿಕೆ, ಹಳೆ ಸಾಲ ತೀರುವಳಿ, ವಹಿವಾಟು ನಿರ್ವಹಣೆ ವಿನಿಯೋಜನೆ ಸೇರಿದಂತೆ ಕಂಪೆನಿಯ ವಿವಿಧ ಚಟುವಟಿಕೆಗಳಿಗೆ ಬಳಸಿಕೊಳ್ಳಲಾಗುವುದು ಎಂದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.