ಐಟಿಆರ್‌: 7 ಹೊಸ ಅರ್ಜಿ ನಮೂನೆ

ನವದಹೆಲಿ: ‘ಆದಾಯ ತೆರಿಗೆ ಲೆಕ್ಕಪತ್ರ (ಐಟಿಆರ್‌) ಸಲ್ಲಿಸಲು ವಿವಿಧ ವರ್ಗಗಳಿಗೆ ಅನುಕೂಲವಾಗುವ ಏಳು ಹೊಸ ಅರ್ಜಿ ನಮೂನೆಗಳು ಜಾಲತಾಣದಲ್ಲಿ ಲಭ್ಯವಿವೆ’ ಎಂದು ಆದಾಯ ತೆರಿಗೆ ಇಲಾಖೆ ತಿಳಿಸಿದೆ.

ಇಲಾಖೆಯ ಅಂತರ್ಜಾಲ ತಾಣ www.incometaxindia.gov.in ನಲ್ಲಿ ಹೊಸ ಅರ್ಜಿ ನಮೂನೆಗಳು ಲಭ್ಯವಿವೆ.

2018–19ನೇ ಅಂದಾಜು ವರ್ಷದ ಆದಾಯ ತೆರಿಗೆ ಲೆಕ್ಕಪತ್ರ ವಿವರ ಸಲ್ಲಿಸುವ ಹೊಸ ಅರ್ಜಿ ನಮೂನೆಗಳಿಗೆ ಸಂಬಂಧಿಸಿದಂತೆ ಕೇಂದ್ರೀಯ ನೇರ ತೆರಿಗೆ ಮಂಡಳಿ (ಸಿಬಿಡಿಟಿ) ಮೇ 5 ರಂದು ಅಧಿಸೂಚನೆ ಹೊರಡಿಸಿತ್ತು. ಅದರಂತೆ ಆದಾಯ ತೆರಿಗೆ ಇಲಾಖೆಯು ಹೊಸ ಅರ್ಜಿ ನಮೂನೆಗಳನ್ನು ಜಾಲತಾಣದಲ್ಲಿ ಬಳಕೆಗೆ ಲಭ್ಯವಾಗುವಂತೆ ಮಾಡಿದೆ.