ಗ್ರಾಮೀಣಾಭಿವೃದ್ಧಿ: ನಬಾರ್ಡ್ ನೆರವು

ಬೆಂಗಳೂರು: ವಿವಿಧ ಜಿಲ್ಲೆಗಳಲ್ಲಿ ಗ್ರಾಮೀಣ ಮೂಲಸೌಕರ್ಯ ಅಭಿವೃದ್ಧಿ ಯೋಜನೆಗಳನ್ನು ಕೈಗೆತ್ತಿಕೊಳ್ಳಲು ರಾಷ್ಟ್ರೀಯ ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್ (ನಬಾರ್ಡ್) ರಾಜ್ಯಕ್ಕೆ  ರೂ. 19.74 ಕೋಟಿಗಳ ಸಾಲ ನೆರವು ಪ್ರಕಟಿಸಿದೆ.

‘ಗ್ರಾಮೀಣ ಮೂಲಸೌಕರ್ಯ ವೃದ್ಧಿ ನಿಧಿ (ಆರ್‌ಐಡಿಎಫ್) ಮೂಲಕ ‘ನಬಾರ್ಡ್’ ಈ ನೆರವು ನೀಡಿದ್ದು, ಗ್ರಾಮೀಣ ರಸ್ತೆ ಮತ್ತು ಸೇತುವೆಗಳ ಅಭಿವೃದ್ಧಿಗೆ ಆದ್ಯತೆ ನೀಡಲಾಗಿದೆ. ಕಳೆದ ವರ್ಷ ‘ನಬಾರ್ಡ್’ ರಾಜ್ಯಕ್ಕೆ 822 ಕೋಟಿಗಳಷ್ಟು ಸಾಲದ ನೆರವು ನೀಡಿತ್ತು.

ಒಟ್ಟು  82.30 ಕಿ.ಮೀ ಉದ್ದದ 26 ಗ್ರಾಮೀಣ ರಸ್ತೆ ಯೋಜನೆಗಳಿಗೆ ಈ  ಸಾಲದ ನೆರವು ಅನ್ವಯಿಸಲಿದೆ. ಇದರಿಂದ 15 ಜಿಲ್ಲೆಗಳಿಗೆ ಅನುಕೂಲವಾಗಲಿದ್ದು, 105 ಹಳ್ಳಿಗಳನ್ನು ಮತ್ತು 45 ಮಾರುಕಟ್ಟೆಗಳನ್ನು ಹೊಸ ರಸ್ತೆಗಳು ಸಂಪರ್ಕಿಸಲಿವೆ.  ಇದರಿಂದ 7.08 ಲಕ್ಷ ಮಾನವ ದಿನಗಳ ಉದ್ಯೋಗ ಸೃಷ್ಟಿಯಾಗಲಿದೆ ಎಂದು ‘ನಬಾರ್ಡ್’ನ ಕರ್ನಾಟಕ ಪ್ರಾದೇಶಿಕ ಕಚೇರಿ ಪ್ರಕಟಣೆ ತಿಳಿಸಿದೆ.