ಬಳಕೆದಾರರ ಸಂಖ್ಯೆ ಹೆಚ್ಚಳ

ನವದೆಹಲಿ (ಪಿಟಿಐ): ಮೊಬೈಲ್ ಮೂಲಕ ಇಂಟರ್‌ನೆಟ್ ಬಳಸುವ ಗ್ರಾಹಕರ ಸಂಖ್ಯೆ ಭಾರತ, ಬ್ರೆಜಿಲ್, ಮತ್ತು ಅಮೆರಿಕದಲ್ಲಿ ಗಣನೀಯವಾಗಿ ಹೆಚ್ಚುತ್ತಿದೆ ಎಂದು ಪ್ರಸಿದ್ಧ ಸಾಮಾಜಿಕ ತಾಣ ಫೇಸ್‌ಬುಕ್ ಹೇಳಿದೆ.

ಮಾಸಿಕ ಸರಾಸರಿ 101 ಕೋಟಿ ಬಳಕೆದಾರರು ಮೊಬೈಲ್ ಮೂಲಕ ಫೇಸ್‌ಬುಕ್ ವೀಕ್ಷಿಸುತ್ತಾರೆ ಎಂದು ಅಮೆರಿಕದ ಷೇರು ವಿನಿಮಯ ಕೇಂದ್ರಕ್ಕೆ ಕಂಪೆನಿ ವರದಿ ಸಲ್ಲಿಸಿದೆ. ಆದರೆ, ಮೊಬೈಲ್ ಗ್ರಾಹಕರ ಮೂಲಕ ಫೇಸ್‌ಬುಕ್‌ಗೆ ಬರುತ್ತಿರುವ ವರಮಾನ ಮಾತ್ರ ಕನಿಷ್ಠ  ಮಟ್ಟದಲ್ಲಿದೆ.