ಬಿಎಂಡಬ್ಲ್ಯು ಕಾರ್‌ ಮಾರುಕಟ್ಟೆಗೆ
Published 12 ಮಾರ್ಚ್ 2018, 19:30 IST
ನವನೀತ್ ಮೋಟರ್ಸ್‌ನ ನಿರ್ದೇಶಕರಾದ ಆಶೀಶ್‌ ಕಚಾಲಿಯಾ, ನವನೀತ್ ಕಚಾಲಿಯಾ ಮತ್ತು ಬಿಎಂಡಬ್ಲ್ಯು ಗ್ರೂಪ್‌ ಇಂಡಿಯಾದ ಮಾರಾಟ ನಂತರ ಸೇವಾ ವಿಭಾಗದ ನಿರ್ದೇಶಕ ಆ್ಯಂಡ್ರಿಯಾಸ್ ಹ್ಯಾಟನ್‍ಹಾರ್ಸ್ಟ್ ಅವರು ಕಾರ್‌ ಅನಾವರಣಗೊಳಿಸಿದರು
ಬೆಂಗಳೂರು: ಜರ್ಮನಿಯ ವಿಲಾಸಿ ಕಾರ್‌ ತಯಾರಿಕಾ ಸಂಸ್ಥೆ ‘ಬಿಎಂಡಬ್ಲ್ಯು’ದ 6 ಸಿರೀಸ್ ಗ್ರ್ಯಾನ್ ಟುರಿಸ್ಮೊ ಸ್ಪೋರ್ಟ್ಸ ಲೈನ್‌ ಅನ್ನು ಬೆಂಗಳೂರಿನಲ್ಲಿ ಬಿಡುಗಡೆ ಮಾಡಲಾಗಿದೆ.
ದೇಶೀಯವಾಗಿ ತಯಾರಿಸಿರುವ ಈ ಪೆಟ್ರೋಲ್‌ ಚಾಲಿತ ಕಾರ್‌ಗೆ ಬುಕಿಂಗ್‌ ಆರಂಭಗೊಂಡಿದೆ. ಇದರ ಎಕ್ಸ್‌ಷೋರೂಂ ಬೆಲೆ ₹58.90 ಲಕ್ಷ ಇದೆ. ಡೀಸೆಲ್‌ ಚಾಲಿತ ಕಾರ್‌ ಕೆಲ ತಿಂಗಳ ನಂತರ ಮಾರುಕಟ್ಟೆಗೆ ಬರಲಿದೆ. ದೆಹಲಿಯಲ್ಲಿ ನಡೆದಿದ್ದ ವಾಹನ ಮೇಳದಲ್ಲಿ ಈ ಕಾರನ್ನು ಮೊದಲ ಬಾರಿಗೆ ಪರಿಚಯಿಸಲಾಗಿತ್ತು. 250 ಎಚ್‌ಪಿ ಸಾಮರ್ಥ್ಯದ ಕಾರ್‌ 6.3 ಸೆಕೆಂಡುಗಳಲ್ಲಿ ಪ್ರತಿ ಗಂಟೆಗೆ 0 ದಿಂದ 100 ಕಿ. ಮೀ ದೂರ ಕ್ರಮಿಸುವ ವೇಗ ಪಡೆಯಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.