ಯಮಹಾ ಶೀಘ್ರ ವಿದ್ಯುತ್ ಚಾಲಿತ ಬೈಕ್

ನವದೆಹಲಿ (ಪಿಟಿಐ): ಜಪಾನ್ ಮೂಲದ ವಾಹನ ತಯಾರಿಕಾ ಕಂಪೆನಿ ‘ಯಮಹಾ’ ಶೀಘ್ರದಲ್ಲಿಯೇ ಭಾರತೀಯ ಮಾರುಕಟ್ಟೆಗೆ ಎರಡು ಹೊಸ ವಿದ್ಯುತ್ ಚಾಲಿತ ದ್ವಿಚಕ್ರವಾಹನಗಳನ್ನು ಬಿಡುಗಡೆ ಮಾಡಲಿದೆ. 

 ‘ಯಮಹಾ ಇಂಡಿಯಾ ಮೋಟಾರ್’ ವಿದ್ಯುತ್ ಚಾಲಿತ ದ್ವಿಚಕ್ರವಾಹನವನ್ನು ಅಭಿವೃದ್ಧಿಪಡಿಸುತ್ತಿದೆ. ‘ತೈಲ ಬೆಲೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಈ ವಿದ್ಯುತ್ ಚಾಲಿತ ವಾಹನಗಳು ಗ್ರಾಹಕರಿಗೆ ಉತ್ತಮ ಆಯ್ಕೆಯಾಗಬಲ್ಲದು’ ಎಂದು ಯಮಹಾ ಕಂಪೆನಿಯ ಭಾರತೀಯ ನಿರ್ದೇಶಕ ಜುನ್ ನಕಾಟ ಹೇಳಿದ್ದಾರೆ.  ಯೂರೋಪ್ ಮತ್ತು ಜಪಾನ್‌ನಲ್ಲಿ ಈಗಾಗಲೇ ಯಮಹಾ ವಿದ್ಯುತ್ ಬೈಕುಗಳು ಯಶಸ್ವಿಯಾಗಿವೆ.