ಸೆಕೆಂಡ್‌ಗೆ 1 ಪೈಸೆ: ಟ್ರಾಯ್

ನವದೆಹಲಿ (ಐಎಎನ್‌ಎಸ್): ಮೊಬೈಲ್ ಫೋನ್ ಸೇವಾ ಸಂಸ್ಥೆಗಳು ಎಲ್ಲ ಟಾರಿಫ್ ಪ್ಲಾನ್‌ಗಳ ಜತೆಗೆ, `ಸೆಕೆಂಡ್‌ಗೆ 1 ಪೈಸೆ~ ಕರೆ ದರದ ಕೊಡುಗೆಯನ್ನೂ ಗ್ರಾಹಕರಿಗೆ ಕಡ್ಡಾಯವಾಗಿ ನೀಡಬೇಕು ಎಂದು ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ(ಟ್ರಾಯ್) ಸೂಚನೆ ನೀಡಿದೆ.  

ಇದಕ್ಕೆ ಸಂಬಂಧಿಸಿ ಟಾರಿಫ್‌ನಲ್ಲಿ ತಿದ್ದುಪಡಿ ಮಾಡಿರುವ `ಟ್ರಾಯ್~,  ಪ್ರಿಪೇಯ್ಡ ಮತ್ತು ಪೋಸ್ಟ್ ಪೇಯ್ಡ ಗ್ರಾಹಕರಿಬ್ಬರಿಗೂ `ಏಕರೂಪದ ಈ ಕರೆ ದರ~  ಅನ್ವಯ ಎಂದು ಶುಕ್ರವಾರ ಹೇಳಿದೆ.

ಜತೆಗೆ 25ಕ್ಕೂ ಹೆಚ್ಚಿನ ಇತರೆ ಟಾರಿಫ್ ಪ್ಲಾನ್‌ಗಳನ್ನೂ ಜಾರಿಗೊಳಿಸುವ ಸ್ವಾತಂತ್ರ್ಯವನ್ನು ಸೇವಾ ಸಂಸ್ಥೆಗಳು ಹೊಂದಿವೆ ಎಂದು `ಟ್ರಾಯ್~ ತಿಳಿಸಿದೆ.

ಏಕರೂಪ ಕರೆ ದರ ನಿಗದಿ ಸಲಹೆಗೆ ಈ ಮೊದಲು ಮೊಬೈಲ್ ಫೋನ್ ಸೇವಾ ಸಂಸ್ಥೆಗಳು ಮೊದಲು ತೀವ್ರ ವಿರೋಧ ವ್ಯಕ್ತಪಡಿಸಿದ್ದವು. ಈಗ ಕಡ್ಡಾಯಗೊಳಿಸಿರುವುದರಿಂದ ಜಾರಿಗೊಳಿಸುವುದು ಅನಿವಾರ್ಯವಾಗಿದೆ.