ಹಾರ್ಲೆ ಡೇವಿಡ್ಸನ್‌ನಿಂದ 4 ಹೊಸ ಬೈಕ್‌

ನವದೆಹಲಿ: ಅಮೆರಿಕದ ಹಾರ್ಲೆ ಡೇವಿಡ್ಸನ್ ಕಂಪೆನಿ ಭಾರತದ ಮಾರುಕಟ್ಟೆಗೆ ನಾಲ್ಕು ಹೊಸ ಮಾದರಿಗಳನ್ನು ಬಿಡುಗಡೆ ಮಾಡಿದೆ.

ಸ್ಟ್ರೀಟ್‌ ಬಾಬ್‌, ಫ್ಯಾಟ್‌ ಬಾಬ್‌, ಫ್ಯಾಟ್‌ ಬಾಯ್‌ ಮತ್ತು ಹೆರಿಟೇಜ್‌ ಕ್ಲಾಸ್‌ ಎಂಬ ನಾಲ್ಕು ಹೊಸ ಮಾದರಿಗಳನ್ನು ಪರಿಚಯಿಸಿದೆ. ದೆಹಲಿ ಷೋರೂಂನಲ್ಲಿ ಇವುಗಳ ಬೆಲೆ ₹11.99 ಲಕ್ಷದಿಂದ ₹18.99 ಲಕ್ಷದವರೆಗಿದೆ.

ಈ ನಾಲ್ಕು ಮಾದರಿಗಳಲ್ಲಿ ಹೊಸ ಎಂಜಿನ್‌ಗಳಿದ್ದು, ಅತ್ಯಂತ ಹಗುರಾಗಿವೆ. ಅತಿ ಹೆಚ್ಚಿನ  ವೇಗದಿಂದ ಚಲಿಸಬಲ್ಲವು. ಹಿಂದಿನ ಆವೃತ್ತಿಗಳಿಗಿಂತಲೂ ಹೆಚ್ಚು ಉತ್ತಮವಾಗಿ ನಿರ್ವಹಣೆ ಮಾಡಬಹುದು ಎಂದು ಕಂಪೆನಿಯ ಭಾರತದ ವ್ಯವಸ್ಥಾಪಕ ನಿರ್ದೇಶಕ ಪೀಟರ್‌ ಮೆಕೆಂಜಿ ತಿಳಿಸಿದ್ದಾರೆ.

ಕಂಪೆನಿಯು ಭಾರತದಲ್ಲಿ 27 ಡೀಲರ್‌ಶಿಪ್‌ ಮಳಿಗೆಗಳ ಮೂಲಕ 14 ಮಾದರಿಗಳನ್ನು ಮಾರಾಟ ಮಾಡುತ್ತಿದೆ.