ಹೊಸ ಬ್ಯಾಂಕ್ ಕುರಿತ ಪ್ರಶ್ನೆಗಳಿಗೆ ಮಾಸಾಂತ್ಯ ಉತ್ತರ: ಆರ್‌ಬಿಐ

ನವದೆಹಲಿ (ಪಿಟಿಐ): ಬ್ಯಾಂಕ್ ಸ್ಥಾಪನೆಗೆ ಆಸಕ್ತಿ ತೋರಿರುವ ಸಂಸ್ಥೆಗಳು ಹೊಸ ಬ್ಯಾಂಕ್ ಅನುಮತಿಗೆ ಸಂಬಂಧಿಸಿದ ಮಾರ್ಗಸೂಚಿ ಕುರಿತು ಮುಂದಿಟ್ಟಿರುವ ಪ್ರಶ್ನೆ ಮತ್ತು ಸಂದೇಹಗಳಿಗೆ ಈ ಮಾಸಾಂತ್ಯ ಅಥವಾ ಮೇ ಮೊದಲ ವಾರದಲ್ಲಿ ಸ್ಪಷ್ಟೀಕರಣವನ್ನು ಅಂತರ್ಜಾಲದಲ್ಲಿಯೇ ಪ್ರಕಟಿಸುವುದಾಗಿ ಭಾರತೀಯ ರಿಸರ್ವ್ ಬ್ಯಾಂಕ್‌ನ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಟಾಟಾ ಸಮೂಹ, ಬಿರ್ಲಾ, ರಿಲಯನ್ಸ್, ಎಲ್ ಅಂಡ್ ಟಿ, ವಿಡಿಯೊಕಾನ್ ಸೇರಿದಂತೆ ಹಲವು ಸಂಸ್ಥೆಗಳು ಬ್ಯಾಂಕ್ ಸ್ಥಾಪನೆಗೆ ಆಸಕ್ತಿ ತೋರಿವೆ. ಆರ್‌ಬಿಐ 4ರಿಂದ 5 ಸಂಸ್ಥೆಗಷ್ಟೇ ಅನುಮತಿ ನೀಡುವ ಸಾಧ್ಯತೆ ಇದೆ.