Union Budget 2026: ಪುರಾತತ್ವ ಸ್ಥಳಗಳ ದಾಖಲೆ ಡಿಜಿಟಲೀಕರಣ

ನವದೆಹಲಿ: ದೇಶದಾದ್ಯಂತ ಇರುವ ಸಾಂಸ್ಕೃತಿಕ ಮತ್ತು ಧಾರ್ಮಿಕ ಸ್ಥಳಗಳು ಸೇರಿದಂತೆ ಪ್ರಮುಖ ಪುರಾತತ್ವ ತಾಣಗಳ ದಾಖಲೆಗಳನ್ನು ಡಿಜಿಟಲೀಕರಣಗೊಳಿಸಲು ರಾಷ್ಟ್ರೀಯ ಮಟ್ಟದ ಡಿಜಿಟಲ್ ವೇದಿಕೆಯನ್ನು ಸ್ಥಾಪಿಸುವುದಾಗಿ ಕೇಂದ್ರ ಸರ್ಕಾರ ಬಜೆಟ್‌ನಲ್ಲಿ ಪ್ರಸ್ತಾಪಿಸಿದೆ. 

ಲೋಥಲ್ ಮತ್ತು ಲೇಹ್‌ ಅರಮನೆ ಸೇರಿದಂತೆ ದೇಶದ 15 ಪುರಾತತ್ವ ಸ್ಥಳಗಳನ್ನು ‘ವೈಭವಯುತ ಸಾಂಸ್ಕೃತಿಕ ತಾಣ’ಗಳನ್ನಾಗಿ ಅಭಿವೃದ್ಧಿಪಡಿಲಾಗುವುದು ಎಂದು ತಿಳಿಸಿದೆ.

ಇದರಿಂದಾಗಿ ಸ್ಥಳೀಯ ಸಂಶೋಧಕರಿಗೆ, ಇತಿಹಾಸಕಾರರಿಗೆ, ತಂತ್ರಜ್ಞಾನ ಕೌಶಲವಿರುವವರಿಗೆ ಉದ್ಯೋಗ ಸೃಷ್ಟಿಯಾಗಲಿದೆ ಎಂದು ನಿರ್ಮಲಾ ಸೀತಾರಾಮನ್ ತಿಳಿಸಿದ್ದಾರೆ.